ఆర్థిక వ్యవస్థ పూర్తి స్థాయిలో పుంజుకుంది

ప్రధాని నరేంద్ర మోదీ నేతృత్వంలో ప్రభుత్వం తీసుకునే ప్రతీ నిర్ణయం సాక్ష్యాధారాలు, కచ్చితమైన డేటా ఆధారంగానే ఉంటుందని పీకే మిశ్రా వివరించారు. ‘మనం సాధించే ప్రగతిని, పథకాల అమలును నిరంతరం కొలవడానికి డేటా ఎంతో అవసరం. ‘వికసిత్ భారత్’ లక్ష్యాన్ని చేరుకోవడానికి ఈ డేటా ఆధారిత నిర్ణయాలే దిక్సూచిగా మారనున్నాయి’ అని ఆయన పేర్కొన్నారు.

వికసిత్ భారత్ దిశగా సాగే ప్రయాణం విశ్వసనీయమైన డేటాపై ఆధారపడి ఉండాలని డాక్టర్ మిశ్రా పేర్కొన్నారు. భారతదేశం అభివృద్ధి చెందుతున్న ఆర్థిక వ్యవస్థను ప్రతిబింబించేలా జీడీపీ, వినియోగదారుల ధరల సూచిక, పారిశ్రామిక ఉత్పత్తి సూచిక వంటి కీలక స్థూల ఆర్థిక సూచికలను కొత్త ఆధార సంవత్సరాలతో నవీకరిస్తున్నట్లు ఆయన తెలిపారు. పాతబడిన డేటాసెట్‌లు, విచ్ఛిన్నమైన నిర్మాణం వంటి చారిత్రక సవాళ్లను పరిష్కరిస్తూ, 2020 నుండి 2025 వరకు చేపట్టిన సమగ్ర సంస్కరణలను డాక్టర్ మిశ్రా ప్రశంసించారు.