మంచిర్యాల రైతుల దుర్మరణం పట్ల బీజేపీ దిగ్బ్రాంతి

పంట పండించిన రైతు ధాన్యం అమ్ముకునేందుకు కొనుగోలు కేంద్రాలకు వస్తే, వారాల తరబడి అక్కడే పడిగాపులు కాయాల్సిన పరిస్థితి ఎందుకు వచ్చింది? అని ఆయన ప్రశ్నించారు. సకాలంలో కొనుగోళ్లు జరపాల్సిన కాంగ్రెస్ ప్రభుత్వం నిర్లక్ష్యంగా వ్యవహరించడం వల్లే ఈ విషాదం చోటుచేసుకుందని ఆవేదన వ్యక్తం చేశారు. వానొస్తే తడవకుండా టార్పాలిన్లు కప్పే క్రమంలో గోడలు కూలి, షెడ్లు పడి రైతన్నలు ప్రాణాలు పోగొట్టుకున్నారని ఆయన ఆగ్రహం వ్యక్తం చేశారు.

క్వింటాలు ధాన్యానికి కనీస మద్దతు ధర, మండీ హమాలీ చార్జెస్, ట్రాన్స్ పోర్టేషన్ ఛార్జీలు, ఐకేపీ సెంటర్లు, రైతు సంఘాలు, మార్కెట్ యార్డులకు కమీషన్, గోడౌన్లకు ఛార్జీలు, ప్రభుత్వ అధికారులకు ఛార్జీలు, వడ్ల బస్తాలకు, గన్నీ బ్యాగులకు.. ఇలా ప్రతి పైసా కేంద్ర ప్రభుత్వమే భరిస్తుందని బీజేపీ నేత స్పష్టం చేశారు. మరి రాష్ట్ర ప్రభుత్వం ధాన్యం కొనుగోలు చేసేందుకు నొప్పేంటి? అంటూ విస్మయం వ్యక్తం చేశారు.