పధకం ప్రకారమే గ‌ల్వాన్ లోయ‌లో చైనా క‌వ్వింపులు  

దీనికి తోడు గాల్వాన్ లోయలో దాదాపు 1,000 మంది డ్రాగన్ సైనికులు మోహరించిన శాటిలైట్ చిత్రాలు బయటపడ్డ విషయం తెలిసిందే. వీటన్నిటినీ పరిశీలిస్తే ఓ పథకం ప్రకారమే చైనా హింసకు పాల్పడుతోందని అమెరికా-చైనా ఆర్థిక భద్రత సమీక్ష కమిషన్ నివేదించింది.

ఇటు డోక్లాంకు స‌మీపంలో భూటాన్ భూభాగంలో ఇప్ప‌టికే ఒక గ్రామం, రోడ్డు నిర్మించిన చైనా.. ఇప్పుడు రెండో గ్రామాన్ని కూడా నిర్మించ‌డానికి సిద్ధ‌మ‌వుతోంది. మ‌రోవైపు బ్ర‌హ్మ‌పుత్ర న‌దిపై డ్యాం నిర్మిస్తోంది. ఇవ‌న్నీ భార‌త్‌ను క‌వ్వించేందుకు చేస్తున్న చ‌ర్య‌లే. 

ఈ ఏడాది కొవిడ్ మ‌హ‌మ్మారితో ప్ర‌పంచ‌మంతా అత‌లాకుత‌లం అవుతున్నా.. చైనా మాత్రం ఇండియాతోపాటు ఇత‌ర దేశాల‌నూ ఇబ్బందుల‌కు గురి చేస్తోంది. ఈ ఏడాది ఇండియాతోపాటు జ‌పాన్‌, ఆస్ట్రేలియా, తైవాన్‌, యూకే, కెన‌డాల‌తోనూ చైనా క‌య్యానికి కాలు దువ్వుతోంది.