బీఆర్ఎస్-కాంగ్రెస్ పాలనలో అభివృద్ధి లేకుండా అప్పులే

తెలంగాణలోని 123 మున్సిపాలిటీలపై మొత్తం రూ.3,600 కోట్ల అప్పులు పేరుకుపోయాయని, అలాగే జీహెచ్ఎంసి అప్పు మాత్రమే రూ.5,000 కోట్లకు చేరిందని ఆయన వెల్లడించారు. అభివృద్ధి కనిపించకపోయినా, అప్పుల భారం మాత్రం మున్సిపల్ సంస్థలపై తీవ్రంగా మోపారని విరుచుకుపడ్డారు. అభివృద్ధి పేరుతో కాకుండా కమిషన్లు, అవినీతి, దోపిడీ, కరప్షన్ ద్వారానే పట్టణ స్థానిక సంస్థలు నడిచాయని ఆరోపించారు. ఫలితంగా పట్టణ పరిపాలన పూర్తిగా అస్తవ్యస్తమై, స్థానిక సంస్థలు చీకటిలోకి నెట్టబడ్డాయని తెలిపారు.

అవినీతిని అరికట్టాల్సిన వ్యవస్థలే పూర్తిగా విఫలమయ్యాయని పేర్కొంటూ కాంగ్రెస్ పాలనలో ఎసిబి ద్వారా 1500 మంది అధికారులు లంచాలు తీసుకుంటూ పట్టుబడినప్పటికీ, వారిపై సరైన చర్యలు తీసుకోకపోవడం వల్ల అవినీతి మరింత పెరిగిందని ఆరోపించారు.  కాంగ్రెస్ ప్రభుత్వం అధికారంలోకి వచ్చిన తర్వాత “మార్పు” పేరుతో ప్రజలను మోసం చేస్తోందని ఆరోపించారు. 

రాష్ట్రంలో మహిళలకు భద్రత పూర్తిగా కరువైందని, శాంతిభద్రతలు క్షీణించాయని రాంచందర్ రావు తీవ్రంగా విమర్శించారు. రాష్ట్రంలో ప్రభుత్వ ఉద్యోగులు రిటైర్మెంట్ బెనిఫిట్స్ పొందలేక సుమారు 40 మంది వరకు ఆత్మహత్య చేసుకోవడం బాధాకరమని తెలిపారు.  రాష్ట్రంలో ఆటో డ్రైవర్లు, నేత కార్మికుల ఆత్మహత్యలు, ప్రభుత్వ దవాఖానాల్లో డాక్టర్ల కొరత, నిరుద్యోగం, పెరిగిందని వెల్లడించారు. కేంద్ర మంత్రి జి. కిషన్ రెడ్డి, బిజెపి ఎంపీలు, ఎమ్మెల్సీలు, మహారాష్ట్ర మంత్రి, బిజెపి మున్సిపల్ ఎన్నికల తెలంగాణ ఇన్‌ఛార్జ్ శ్రీ ఆశిష్ షెలార్ తదితరులు పాల్గొన్నారు.