ఏఐ రూపొందించిన ప్రశ్నలు, కంప్యూటర్ ఆధారిత పరీక్షలు!

అత్యంత కీలకమైన పరీక్షలకు పదేపదే అంతరాయం కలిగిస్తున్న ప్రశ్నపత్రాల లీకేజీలను అరికట్టడానికి, సాంప్రదాయ ప్రశ్నపత్రాల స్థానంలో ఏఐ రూపొందించిన ప్రశ్నలను, దేశవ్యాప్తంగా కంప్యూటర్ ఆధారిత పరీక్షలను ప్రవేశపెట్టాలని టెక్నాలజీ దిగ్గజం నందన్ నీలేకని పిలుపునిచ్చారు. పరీక్షల సంస్కరణలపై ఏర్పాటు చేసిన ఉన్నత స్థాయి టాస్క్‌ఫోర్స్‌కు నేతృత్వం వహిస్తున్న ఇన్ఫోసిస్ సహ వ్యవస్థాపకుడు, ప్రశ్నపత్రాల లీకేజీల సమస్యను ఒక “వ్యవస్థాగత” విధానంతో పరిష్కరించవచ్చని, ఈ సమస్యను ఎదుర్కోవడానికి టెక్నాలజీని ఉపయోగించాలని సూచించారు.

పరీక్షా పత్రాల లీకేజీల సమస్య “పరిష్కరించదగిన” సమస్య అని, దీనికి టెక్నాలజీ అవసరమని నీలేకని cరు. “మీరు దీనిని వ్యవస్థీకృతంగా పరిశీలిస్తే, ఇది ఎందుకు జరుగుతుందో మూల కారణాలను తెలుసుకుని, దానిని పరిష్కరించడానికి టెక్నాలజీని ఉపయోగిస్తే ఇవి పరిష్కరించదగిన సమస్యలే,” అని ఆయన స్పష్టం చేశారు.

“మనకు ఒకే ప్రశ్నపత్రం ఎందుకు అవసరం?” అని ఢిల్లీలోని బ్లూమ్‌బెర్గ్ న్యూ ఎకానమీ ఫోరంలో నీలేకని ప్రశ్నించారు. “ప్రశ్నాపత్రం ఉన్న క్షణం, దానిని అమ్ముకోవడానికి అది ఒక ఆర్థిక ప్రోత్సాహకంగా మారుతుంది,” అని ఆయన చెప్పారు. “ఇవన్నీ వ్యవస్థాగత సమస్యలు, వీటిని మేము మా కమిటీలో పరిష్కరిస్తాము. మా సూచనలను అమలు చేయడానికి ప్రధానమంత్రి చాలా ఆసక్తిగా ఉన్నారని నేను భావిస్తున్నాను,” అని నీలేకని పేర్కొన్నారు. పరీక్ష జరిగే రోజున ఏఐ స్వయంగా ప్రశ్నపత్రాన్ని రూపొందించగలదా? అని అడిగినప్పుడు, నీలేకని సానుకూలంగా స్పందించారు.

“ఈ కమిటీ ఏర్పాటుకు మరియు తదితర పరిణామాలకు దారితీసిన ప్రధాన సమస్య ప్రశ్నపత్రం లీక్ కావడం అని నా అభిప్రాయం. మీకు తెలిసినట్లుగానే, నీట్ పరీక్షా పత్రం లీక్ అనేది బహిరంగంగా తెలిసిన విషయమే. కాబట్టి, అసలు ‘ప్రశ్నపత్రం’ అనే వ్యవస్థ మనకు ఎందుకు అవసరం? అనే ప్రశ్న ఇక్కడ తలెత్తుతుంది. ఎందుకంటే, ప్రశ్నపత్రం అంటూ ఒకటి ఉన్నప్పుడు, దానిని అమ్ముకోవడం వంటి చర్యలకు ఆర్థికపరమైన ప్రేరణ కలుగుతుంది.” అని తెలిపారు.

పరీక్షా పత్రాల లీక్‌లను అరికట్టడానికి ఒక మార్గం, ముందుగా నిర్ణయించిన ప్రశ్నపత్రాన్ని తొలగించి, చివరి నిమిషంలో మాత్రమే ఒక పెద్ద ప్రశ్నల నిధి నుండి ప్రశ్నపత్రాన్ని రూపొందించడం అని ఇన్ఫోసిస్ సహ వ్యవస్థాపకుడు సూచించారు. “అలా చేయడానికి మార్గం ఏమిటంటే, నిజంగా ఒక భారీ ప్రశ్నల నిధిని కలిగి ఉండటం. ఆ రోజుకు సంబంధించిన ప్రశ్నపత్రాన్ని చివరి నిమిషంలో మాత్రమే రూపొందించాలి. అందువల్ల, ప్రశ్నపత్రం గురించిన ప్రశ్నే తలెత్తదు, దీనికి ఎలాంటి ఆర్థిక ప్రోత్సాహం ఉండదు,” అని నీలేకని తెలిపారు.