ఇండోనేషియాలోని వెయ్యేళ్ల నాటి ప్రంబవన్ఆలయానికి మోదీ 

మంగళవారం జరిగిన ద్వైపాక్షిక చర్చల సందర్భంగా ప్రధాని మోదీ ప్రభవో  పరిరక్షణ కార్యక్రమం కోసం లెటర్ ఆఫ్ ఇంటెంట్ పరస్పరం మార్చుకున్నారు. అలాగే శాంతియుత, స్థిరమైన, సుసంపన్నమైన ఇండో-పసిఫిక్ కోసం భారత్- ఇండోనేషియా సమగ్ర వ్యూహాత్మక భాగస్వామ్యాన్ని మరింత విస్తరించుకోవడానికి తమ నిబద్ధతను పునరుద్ఘాటించారు. జావా ద్వీపంలో ఉన్న ప్రంబనన్, ఇండోనేషియాలోని అతిపెద్ద హిందూ దేవాలయ సముదాయం. 

10వ శతాబ్దంలో ప్రంబనన్ ఆలయం నిరాదరణకు గురైంది. జావాలోని రాజకీయ మార్పులు, సమీపంలోని మెరాపి అగ్నిపర్వత పేలుళ్లే ఇందుకు కారణమని చరిత్రకారులు భావిస్తున్నారు. ఆ తర్వాత సంభవించిన భూకంపాల వల్ల అనేక నిర్మాణాలు దెబ్బతిన్నాయి. ఆ తర్వాత 19వ శతాబ్దంలో డచ్ వలస పాలనలో దీని పునరుద్ధరణ ప్రయత్నాలు ప్రారంభమయ్యాయి. 1913 నుంచి 1953 మధ్య కాలంలో పెద్ద ఎత్తున జరిగిన పురావస్తు పునర్నిర్మాణం ద్వారా ప్రధాన ఆలయాలు పూర్వ వైభవాన్ని సంతరించుకున్నాయి.

1991లో యునెస్కో ప్రపంచ వారసత్వ ప్రదేశంగా గుర్తింపు పొందిన ప్రంబనన్, ప్రస్తుతం ఇండోనేషియాలోని ప్రముఖ సాంస్కృతిక ఆకర్షణలలో ఒకటిగా నిలుస్తోంది. భారతదేశ మద్దతుతో చేపట్టిన ఈ కొత్త పునరుద్ధరణ ప్రాజెక్ట్, ఆసియాలోని అత్యంత ముఖ్యమైన హిందూ స్మారక కట్టడాలలో ఒకటైన దీని పరిరక్షణకు సహకారంతో పాటు, న్యూఢిల్లీ, జకార్తాల మధ్య ఉన్న చిరకాల నాగరిక సంబంధాలను మరింత బలోపేతం చేస్తుందని భావిస్తున్నారు.