కుటుంబ చట్టాలన్నింటినీ సమీక్షించాల్సిన సమయం ఆసన్నమైందని విశ్వహిందూ పరిషత్ (వీహెచ్పీ) కేంద్రీయ మార్గదర్శక మండలి పిలుపిచ్చింది. హరిద్వార్ లో జరిగిన రెండు రోజుల సమావేశాలలో కుటుంబ, వివాహ వ్యవస్థలకు అనుగుణంగా కుటుంబ చట్టాలను తీర్చిదిద్దాల్సిన అవసరం ఉందని సూచించింది. తల్లిదండ్రుల నుండి ఋషులు, సాధువుల వరకు ప్రతి ఒక్కరూ, భావి తరాలకు వారి ‘స్వధర్మం’ (సహజమైన కర్తవ్యం లేదా ధర్మబద్ధమైన మార్గం) గురించి అవగాహన కల్పించి, దానికనుగుణంగా జీవించేలా ప్రేరేపించాలని కోరింది.
కుటుంబ వ్యవస్థ ప్రపంచానికి హిందుత్వం అందించిన ఒక గొప్ప కానుక. వివాహ వ్యవస్థ జీవితంలోని ‘కామ’ (కోరిక) అంశానికి ఒక నియంత్రణను కలిగిస్తుందని తెలిపింది.
అయితే, ఇటీవలి కాలంలో వెలువడుతున్న ఆందోళన కలిగించే నిర్ణయాల పట్ల ఆందోళన వ్యక్తం చేసింది. ఉదాహరణకు, వివాహేతర సంబంధం ఇకపై నేరం కాదన్న తీర్పు, వివాహం లేకుండా `సహజీవన’ సంబంధాలకు అనుమతి, స్వలింగ జంటలు భార్యాభర్తలుగా జీవించే స్వేచ్ఛ వంటి వాటిపట్ల ఆందోళన తెలిపింది.
దీనివల్ల వివాహం ఒక భారంగా అనిపించేలా, అలాగే ‘స్వేచ్ఛా’ లైంగిక సంబంధాలు సామాజికంగా ఆమోదయోగ్యమైనవిగా మారే ప్రమాదకర వాతావరణం సృష్టించబడుతోందని హెచ్చరించింది. అంతేకాకుండా, కుటుంబ వివాదాలను పరిష్కరించే సామాజిక యంత్రాంగాలు బలహీనపడుతున్నాయనివీహెచ్పీ తెలిపింది.
ఈ రోజుల్లో, భార్యాభర్తల మధ్య లేదా పిల్లలు, తల్లిదండ్రుల మధ్య వివాదం తలెత్తినప్పుడు, అది పరస్పర సంభాషణ ద్వారా పరిష్కరించబడటం లేదని, దానికి బదులుగా, ఆ సమస్యను పోలీసుల వద్దకు లేదా న్యాయస్థానాలకు తీసుకువెళుతున్నారని పేర్కొన్నది. దీనివల్ల పరిష్కారం లభించకపోగా, పరస్పర విద్వేషం పెరుగుతోందని వివరించింద.
గోవును `దేశమాత’గా గుర్తించాలని దేశవ్యాప్త ప్రచారం
గోవును ‘రాష్ట్ర-మాత’ (దేశమాత)గా గుర్తించడం సముచితమని కొందరు చేసిన సూచనలకు స్పందిస్తూ. ఈ విషయంలో ఏకాభిప్రాయాన్ని సాధించడానికి సాధువులతో కలిసి దేశవ్యాప్త ప్రచారాన్ని ప్రారంభించాలని వీహెచ్పీ నిర్ణయించింది. కొన్ని రాష్ట్రాల్లో, గోసంరక్షణ చట్టాలు 14 ఏళ్లు పైబడిన పశువుల వధను అనుమతిస్తున్నాయని పేర్కొంటూ పశువులన్నింటి రక్షణను నిర్ధారించడానికి కఠినమైన చట్టాలను రూపొందించాలని వీహెచ్పీఅన్ని రాష్ట్ర ప్రభుత్వాలకు విజ్ఞప్తి చేసింది.
సమాజంలోని సమర్థులైన వ్యక్తులు పశుపోషణను చేపట్టేలా వీహెచ్పీప్రోత్సహిస్తుందని తెలిపింది. పశువుల పెంపకం ఖర్చులను భరించడానికి సరిపడా ఆదాయాన్ని కేవలం ఆవు పేడ, ఆవు మూత్రం ద్వారానే రైతులు పొందవచ్చని సూచించింది. ప్రతి ఇంట్లోనూ పశుపోషణను ప్రోత్సహించడమే ఈ సమస్యకు పరిష్కారం అని స్పష్టం చేసింది.
‘మార్గదర్శక్ మండల్’ సమావేశంలో గోసంరక్ష, గోపోషణ అంశాలపై జరిగిన చర్చ సందర్భంగా రాష్ట్రీయ స్వయంసేవక్ సంఘ్ (ఆర్ఎస్ఎస్) విశ్వహిందూ పరిషత్ ఈ లక్ష్యం కోసం నిరంతరం కృషి చేస్తున్నాయిని గుర్తు చేసింది. 1948లో, గోసంరక్షణకు మద్దతుగా సంఘ్ 2 కోట్ల కంటే ఎక్కువ సంతకాలను అప్పటి రాష్ట్రపతికి సమర్పించింది. 1966 నవంబర్ 7న జరిగిన భారీ నిరసన ప్రదర్శనలో వీహెచ్పీ కీలక పాత్ర పోషించింది.
ప్రతి సంవత్సరం, బజరంగ్ దళ్ కార్యకర్తలు 2 లక్షలకు పైగా పశువులను వధ నుండి కాపాడుతున్నారు. పశువులన్నింటినీ రక్షించడానికి ఒక కేంద్ర చట్టాన్ని రూపొందించాలని వీహెచ్పీ భావిస్తోంది. గోవుకు తగిన, గౌరవప్రదమైన హోదాను ప్రభుత్వం కల్పించాలన్న అభిప్రాయంతో ఏకీభావం తెలిపింది.
మాదకద్రవ్యాల వ్యతిరేక ప్రచారం
దేశంలో పెరుగుతున్న మాదకద్రవ్యాల దుర్వినియోగం అనే ముప్పును అరికట్టేందుకు, బజరంగ్ దళ్ గత ఏడాది కాలంగా విస్తృతమైన మాదకద్రవ్యాల వ్యతిరేక ప్రచారాన్ని నిర్వహిస్తోంది. ఇప్పుడు, ఈ ప్రచారాన్ని మరింత ప్రభావవంతం చేసేందుకు, గౌరవనీయులైన సాధువులు కూడా ఈ అంశంపై ప్రజల్లో అవగాహన కల్పించేందుకు విస్తృతమైన కార్యక్రమాలను చేపట్టనున్నారని ప్రకటించింది.
సంత్ రవిదాస్ జీ 650వ జయంతి
గొప్ప ఆధ్యాత్మిక వ్యక్తి, సామాజిక సామరస్యానికి మార్గదర్శి అయిన సంత్ రవిదాస్ జీ 650వ జయంతిని దేశవ్యాప్తంగా అన్ని వర్గాల ప్రజలు ఏడాది పొడవునా జరుపుకోవాలని, అలాగే ఆయన స్ఫూర్తిదాయక సందేశాలను ప్రజల హృదయాల్లో, మనస్సుల్లో నాటాలని సాధువులు పిలుపునిచ్చారు.
జనాభా గణనలో ఓ ఆర్ పి కుట్ర
రాబోయే జనాభా గణన గురించి చర్చిస్తున్నప్పుడు, గిరిజన వర్గాన్ని ‘ఓ ఆర్ పి’ (ఇతర మత విశ్వాసాలు) వర్గంలో చేర్చాలని వాదించేవారు వారిని వారి మూల సంస్కృతి నుండి వేరు చేయడానికి ప్రయత్నిస్తున్నారని సాధువులు హెచ్చరించారు. హిందువులందరూ ఏకతాటిపై ఉన్నారని వారు స్పష్టం చేశారు. కాగా, జనాభా అసమతుల్యత సమస్యను పరిశీలించడానికి ఉన్నత స్థాయి కమిటీని ఏర్పాటు చేసినందుకు ప్రధానమంత్రికి కృతజ్ఞతలు తెలుపుతూ, జాతీయ భద్రతను పెంపొందించడంలో, వేర్పాటువాదాన్ని అరికట్టడంలో ఈ చర్య ఒక కీలక ముందడుగు అని సాధువులు ప్రశంసించారు.
More Stories
విరాళాల దుమారంపై సీఎం యోగికి సిట్ ప్రాథమిక నివేదిక
పంజాబ్లో బిజెపి ప్రభుత్వం ఏర్పాటు చేస్తుంది
ఉద్ధవ్ శివసేన తర్వాత చీలిక దిశగా శరద్ పవర్ ఎన్సీపీ?