కర్ణాటకలో కొలువుదీరిన శివకుమార్ ప్రభుత్వం

రాజ్యాంగాన్ని చేతితో పట్టుకుని డీకే ప్రమాణస్వీకారం చేశారు. అంతకుముందు వేదికపై నుంచి ప్రజలకు ఆయన సాష్టాంగ నమస్కారం చేయడం విశేషం. గత వారం ముఖ్యమంత్రి పదవి నుండి వైదొలగిన సిద్ధరామయ్యతో సుదీర్ఘకాలం సాగిన అధికార పోరు అనంతరం, రాష్ట్ర అత్యున్నత రాజకీయ పదవిని అధిరోహించడం ద్వారా ఎనిమిదిసార్లు ఎమ్మెల్యేగా గెలిచిన శివకుమార్ తన చిరకాల స్వప్నాన్ని సాకారం చేసుకున్నారు.

ఆయనతో పాటు ఉప ముఖ్యమంత్రిగా జి.పరమేశ్వర ప్రమాణస్వీకారం చేశారు. మంత్రులుగా సిద్ధరామయ్య తనయుడు యత్రీంద్ర, కాంగ్రెస్ అధ్యక్షుడు మల్లికార్జున ఖర్గే కుమారుడు ప్రియాంక్ ఖర్గే,కేహెచ్‌ మునియప్ప, కె.జె.జార్జ్‌, ఎంబీ పాటిల్‌, సతీశ్‌ జర్కిహోళి, రామలింగారెడ్డి, కృష్ణబైరి గౌడ, మాజీ స్పీకర్ యు.టి.ఖాదిర్‌, ఈశ్వర్‌ ఖండ్రే, బైరతి సురేశ్‌, శరణ్‌ ప్రకాశ్‌ పాటిల్‌తో గవర్నర్ ప్రమాణం చేయించారు. రాజ్యసభ ఎన్నికల అనంతరం మంత్రివర్గ విస్తరణ ఉంటుందని భావిస్తున్నారు.