అమరవీరుల కలలు కన్న తెలంగాణ నిర్మాణంలో వెనుకబడ్డాం

“కాంగ్రెస్ 1969లో దమన కాండ జరిపింది. ఎంతో మంది విద్యార్థుల మరణానికి కారణమైంది. కానీ బీజేపీ మాత్రం తెలంగాణ  ఏర్పాటులో ఇచ్చిన మద్దతు చాలా గొప్పది. 1997లో కాకినాడలో బీజేపీ ఏర్పాటు చేసిన సభలో కూడా. తెలంగాణ ఏర్పాటు గురించి స్పష్టంగా హామీ ఇచ్చాం. అప్పుడు కేవలం రాజకీయంగా చేసిన వాగ్దానం కాదు  తెలంగాణ కోసం బీజేపీ  సంకల్పంతో చెప్పిన మాటలు” అని స్పష్టం చేశారు.

తెలంగాణ అభివృద్ధికి, తెలంగాణ ప్రజల సంస్కృతిని కాపాడేందుకు బీజేపీ కృషి చేస్తుందని నితిన్ నబీన్ హామీ ఇచ్చారు. 2009 డిసెంబర్ 9న కేంద్ర ప్రభుత్వం తెలంగాణ ఏర్పాటు చేస్తామని ప్రకటించి మోసం చేసిన విషయం అందరికీ గుర్తుండే ఉంటుందని పేర్కొంటూ దీంతో తెలంగాణలోని అనేక మంది యువతీ  యువకులు తమ ప్రాణత్యాగాలు చేశారని ఆవేదన వ్యక్తం చేశారు.

గత 12 సంవత్సరాలుగా ప్రధాని నరేంద్రమోదీ నేతృత్వంలో తెలంగాణ అభివృద్ధి కోసం,  వికసిత భారత్ లో తెలంగాణను  భాగస్వామ్యం చేసేందుకు ఎంతో కృషి చేస్తున్నామని తెలిపారు. 31 లక్షల మంది తెలంగాణ రైతులకు పీఎం కిసాన్ యోజన నిధులు, 75 లక్షలకు పైగా లబ్ధిదారులకు ముద్ర యోజన రుణాలు, 1.27 కోట్ల జనధన్ ఖాతాలు, ఆయుష్మాన్ కార్డులను అందజేశాం. రైల్వే,  రోడ్డు ప్రాజెక్టులను భారీగా తెలంగాణకు మంజూరు చేశామని వివరించారు. బీబీనగర్ లో ఎయిమ్స్ వంటి ప్రతిష్టాత్మక సంస్థను ఇచ్చామని చెప్పారు.

2047 నాటికి వికసిత భారత్ సాధించాలన్న  లక్ష్యంతో పాటు సమృద్ధ తెలంగాణ ఏర్పాటు చేసేందుకు పాటుపడతామని బిజెపి అధ్యక్షుడు స్పష్టం చేశారు.  రాష్ట్రంలో అవినీతి పాలనకు చరమగీతం పాడి, తెలంగాణ అమరవీరులు కలలు కన్న తెలంగాణను పునర్మించుకోవాల్సిన అవసరం ఉందని ఆయన చెప్పారు.  తెలంగాణను కొందరు ఏటీఎంలాగా మార్చుకుని, కాంగ్రెస్ జేబులు నింపుతున్నారని మండిపడుతూ దీన్ని ఆపేందుకు భవిష్యత్తులో బీజేపీ కార్యకర్తలంతా కలసి పోరాడుతామని ప్రకటించారు. తెలంగాణ ప్రజల ఆకాంక్షలకు అనుగుణంగా వారి వికాసానికి పాటుపడుతామని చెప్పారు.