ఆంధ్రా యూనివర్సిటీ గ్లోబల్ యూనివర్సిటీగా ఎదగాలి 

ఆంధ్రా యూనివర్సిటీ వందేళ్ల పండగ ఒక చరిత్ర అని, స్వాతంత్య్రానికి ముందే ఈ యూనివర్సిటీ ఏర్పాటు కావడం గర్వకారణమని రాష్ట్ర ముఖ్యమంత్రి ఎన్‌.చంద్రబాబునాయుడు తెలిపారు. ఎయు అభివృద్ధికి రూ.500 కోట్లను పూర్వ విద్యార్థులు, ప్రస్తుత విద్యార్థులు, ప్రొఫెసర్లు, యూనివర్సిటీలో చదువుకుని పెద్దోళ్లయిన వ్యాపారులు ‘కార్పస్‌’ ఫండ్‌గా సిద్ధం చేయాలని పిలుపునిచ్చారు. సమాజాన్ని ప్రభావితం చేసే నూతన ఆవిష్కరణలకు ఎయు వేదిక కావాలని ఆకాక్షించారు.

ఆంధ్రా విశ్వ కళాపరిషత్‌ను విద్యా సంస్థ అనేకంటే తెలుగు జాతి గర్వించే సాంస్కృతిక, వారసత్వ సంపద అనడం ఉత్తమమని రాష్ట్ర గవర్నర్‌ అబ్దుల్‌ నజీర్‌ పేర్కొన్నారు. సిఆర్‌.రెడ్డి, సివి.రామన్‌, రవీంద్రనాథ్‌ టాగూర్‌ వంటి మహనీయుల అడుగుజాడలు ఈ సంస్థ కీర్తిని విశ్వవ్యాప్తం చేశాయని గుర్తు చేశారు. వారి స్ఫూర్తితో విద్యార్థులు ముందుకు సాగాలని పిలుపునిచ్చారు.