ఆటిజం పిల్లలలో ప్రారంభ దశలో జోక్యం అత్యంత అర్ధవంతం 

పిల్లలలో అలసట తగ్గడం, వందలాది సిద్ధంగా ఉన్న అభ్యాస పాఠాలు, స్వయంచాలక నివేదికలు వంటి ప్రయోజనాలను ఆయన వివరించారు. ముఖ్యంగా, తల్లిదండ్రుల భాగస్వామ్యం అత్యంత కీలకమని, రోజుకు కనీసం ఒక గంట పిల్లలతో గడపాలని సూచించారు. `మానస’ సంస్థలో ఈ విధానం అందుబాటులోకి తీసుకువచ్చినట్లు ప్రకటిస్తూ, కొంతమంది పిల్లల్లో కొద్దివారాల వినియోగంలోనే  మెరుగుదల కనిపించిందని చెప్పారు. వేసవి కాలంలో చికిత్సను నిలిపివేయకుండా, ఈ విధానాన్ని నిరంతరం ఉపయోగించాలని తల్లిదండ్రులకు సూచించారు.

గౌరవ అతిథి సిప్రా లాబ్స్ చైర్మన్ డా. వి. సత్యనారాయణ మాట్లాడుతూ, కేవలం వీల్‌చెయర్లు, నడక కర్రలు వంటి సహాయ పరికరాలు సరిపోవని, ఆటిజం మరియు మేధో వికలాంగత గల పిల్లల తల్లుల బాధ చాలా లోతైనదని అన్నారు. సమస్యను పరిష్కార దిశగా తీసుకెళ్లే ఈ విధమైన సాంకేతిక ప్రయత్నాలు అభినందనీయమని, ఇవి విస్తృత స్థాయిలో అందుబాటులోకి వస్తే మరింత ప్రయోజనం చేకూరుతుందని తెలిపారు.

మరో గౌరవ అతిథి ప్రొఫెసర్ పి. మురళీ మనోహర్ మాట్లాడుతూ, ప్రారంభ దశలో గుర్తింపు, జోక్యం ఎంతో ముఖ్యమని తెలిపారు. 3 నుండి 6 సంవత్సరాల వయస్సు పిల్లల మెదడు అభివృద్ధికి అత్యంత కీలక దశ అని పేర్కొన్నారు. జాతీయ విద్యా విధానం – 2020 కూడా బాల్య విద్యకు ప్రత్యేక ప్రాధాన్యం ఇచ్చిందని తెలిపారు. తల్లిదండ్రులు, సమాజంలో అవగాహన పెరగడం అత్యంత అవసరమని ఆయన చెప్పారు.