అక్టోబర్​ 7 దాడుల సూత్రధారి ‘అబ్దల్‌ హదీ సబా’ను అంతం

మరోవైపు గతేడాది జనవరిలో హమాస్‌ నాయకుడు సలేహ్‌ అరౌరీని తామే హతమార్చామని ఇజ్రాయెల్‌ ధ్రువీకరించింది. లెబనాన్‌పై జరిగిన దాడుల్లో హమాస్‌ డిప్యూటీ పొలిటికల్‌ హెడ్‌, మిలిటెంట్‌ వింగ్‌ వ్యవస్థాపకుడు అరౌరీతో సహా మరో ఐదుగురు హతమయ్యారు.

2023 అక్టోబర్ 7న ఇజ్రాయెల్‌పై హమాస్‌ తీవ్రమైన దాడి చేసింది. ఈ దాడిలో సుమారు 1,200 మందికి పైగా ఇజ్రాయెల్ పౌరులు ప్రాణాలు కోల్పోయారు. అంతేకాదు హమాస్​ 251 మందిని బంధించి గాజాకి తీసుకెళ్లింది. మధ్యలో తాత్కాలికంగా జరిగిన కాల్పుల విరమణ ఒప్పందం వేళ కొందరు బందీలు విడుదల చేసింది. కానీ ఇంకా 97 మంది హమాస్‌ చెరలోనే ఉండిపోయారు. 

అయితే ఆ తరువాత జరిగిన పలు ఘటనల్లో మరికొందరు మృతి చెందారు. ప్రస్తుతం 51 మంది మాత్రమే సజీవంగా ఉన్నట్లు ఇజ్రాయెల్‌ మీడియా చెబుతోంది. హమాస్‌ దాడికి ప్రతీకారంగా ఇజ్రాయెల్ జరిపిన దాడుల్లో ఇప్పటివరకు 45,541 మంది ప్రాణాలు కోల్పోయారు. 1,08,338 మందికి పైగా గాయాలపాలయ్యారని పాలస్తీనా ఆరోగ్య మంత్రిత్వ శాఖ చెబుతోంది.