పాకిస్తాన్ కు చైనా నిషిద్ధ రసాయనాలు

సిఎస్ అనేది అంతర్జాతీయ ఒప్పందాలు,  భారతదేశ ఎగుమతి నియంత్రణ జాబితా క్రింద పేర్కొన్న ద్వంద్వ- వినియోగ రసాయనం (డ్యూయల్ యూజ్ కెమికల్). ఇది అల్లర్ల నియంత్రణకు ఉపయోగించడానికి వీలయినదప్పటికీ, స్వాధీనం చేసుకున్న భారీ పరిమాణం దాని సంభావ్యత సైనిక వినియోగంపై ఆందోళనలను కలిగిస్తోంది.

2560 కిలోల షిప్‌మెంట్ చైనా సంస్థ, చెంగ్డు షిచెన్ ట్రేడింగ్ కో. లిమిటెడ్ కు చెందింది, కానీ  పాకిస్తాన్‌లోని రావల్పిండికి చెందిన రక్షణ సరఫరాదారు ‘రోహైల్ ఎంటర్‌ప్రైజెస్‌’కు సరఫరా అవుతోంది. కానీ చెన్నైలో దీనిని స్వాధీనం చేసుకున్నారు.

ఈ సరుకును ఏప్రిల్ 18న చైనీస్ సంస్థ, చెంగ్డు షిచెన్ ట్రేడింగ్ కంపెనీ లిమిటెడ్, రావల్పిండికి చెందిన రక్షణ సరఫరాదారు రోహైల్ ఎంటర్‌ప్రైజెస్‌కు పంపింది. ఇది 2,560కిలోల సిఎస్‌గా గుర్తించబడింది. ఇంత పెద్దమొత్తంలో సీఎస్‌ని స్వాధీనం చేసుకోవడం పాకిస్థాన్‌కు దాని సంభావ్య వినియోగంపై ప్రశ్నలను లేవనెత్తుతుందని ఢిల్లీలోని భద్రతా అధికారులు చెప్పారు.

అంతర్జాతీయ నిబంధనలను తుంగలో తొక్కి చైనా సహాయంతో పాకిస్థాన్ ప్రమాదకర రసాయనాలను పోగుచేసుకుంటుందన్న అనుమానం ద్వైపాక్షిక సంబంధాలకు కొరకరాని కొయ్యగా మిగిలిపోయింది. బలూచిస్థాన్‌లోని చైనా-పాకిస్థాన్ ఎకనామిక్ కారిడార్ ప్రాజెక్టుల్లో భారీగా పెట్టుబడులు పెట్టిన చైనా ఆరోపణతో కూడిన చిక్కుముడును తోసిపుచ్చలేమని అధికారులు చెబుతున్నారు.

సీపీఈసీ ప్రాజెక్ట్‌లలో పని చేస్తున్న ఐదుగురు పౌరులను చంపిన నేపథ్యంలో తన స్వంత ప్రయోజనాలను కాపాడుకోవడానికి చైనా నియంత్రిత సంస్థను పాకిస్తాన్‌కు రహస్యంగా సరఫరా చేసే అవకాశాన్ని సైనిక నిపుణులు పరిశీలిస్తున్నారు. చైనీయులు ఇస్లామాబాద్ నుండి ఖైబర్ పఖ్తుంఖ్వాలోని దాసు డ్యామ్ ప్రాంతానికి వెళుతుండగా, తెహ్రిక్-ఇ-తాలిబాన్ పాకిస్తాన్ తిరుగుబాటుదారులు దాడి చేశారు.

ఇప్పటికే పాక్ ఆక్రమిత కాశ్మీర్, గిల్గిత్ బాల్టిస్థాన్, బలూచిస్థాన్‌లలో పౌరుల నిరసనలు పాక్ సైన్యం కఠిన చర్యలకు దారితీశాయి. బలూచిస్థాన్ ప్రావిన్స్‌లోని గ్వాదర్ పోర్ట్ కాంప్లెక్స్ స్థానిక ప్రజల నిరసనలతో ప్రతిధ్వనిస్తుంది. ఆఫ్ఘనిస్తాన్‌లో తాలిబాన్ తిరిగి అధికారంలోకి వచ్చిన దాదాపు మూడేళ్ల తర్వాత ఇటీవలి ఉగ్రవాద నిరోధక కార్యకలాపాలతో పాకిస్థాన్‌లో అస్థిరత మరింత పెరిగింది.