గవర్నర్ ఫిర్యాదుతో కోల్‌కతా సీపీ, డీసీపీలపై క్రమశిక్షణ చర్య!

పశ్చిమ బెంగాల్ అసెంబ్లీలో విపక్ష నేత సువేందు అధికారి సారధ్యంలో ఎన్నికల హింస బాధితుల ప్రతినిధి బృందం గవర్నర్‌ను కలవడానికి వచ్చారని, కానీ గవర్నర్ ముందే సువేందు అధికారి, ఇతర ప్రతినిధి బృందాన్ని అరెస్ట్ చేశారని ఓ అధికారి చెప్పారు. దీంతో గవర్నర్ ను కలుసుకునేందుకు ఎన్నికల అనంతర హింస బాధితులు కోర్టును ఆశ్రయించారని సదరు అధికారి వెల్లడించారు.

రాజ్ భవన్ వద్ద పోలీసు కంటింజెంట్ ను తొలగించాలని గత నెల 13న తాను జారీ చేసిన ఆదేశాలపై కోల్ కతా పోలీసు పూర్తిగా నిశ్శబ్దంగా వ్యవహరించిందని, ఇది గవర్నర్ అధికారాలను ధిక్కరించడమే అవుతుందని అధికార వర్గాలు చెబుతున్నాయి.  గవర్నర్ అనుమతి లేకుండానే రాజ్ భవన్ ప్రధాన ద్వారం వద్ద గత నెల మధ్యలో సెక్యూరిటీ వ్యవస్థను ఏర్పాటు చేశారు. రాజ్ భవన్ లో పని చేసిన మాజీ ఉద్యోగినిపై లైంగిక దాడికి పాల్పడినట్లు గవర్నర్ పై చేసిన ఆరోపణలు ముందస్తు ప్రణాళిక ప్రకారమే చేశారని ఆ అధికారి తెలిపారు.