ప్రస్తుతం.. ఆర్​టీఓ కార్యాలయాల్లో అధికారుల సమక్షంలో నిర్వహించే డ్రైవింగ్ ​ టెస్ట్​లో పాల్గొని పాసైతేనే  డ్రైవింగ్​ టెస్ట్​ వస్తుంది. అయితే అధికారులపై రోజురోజుకు పెరిగిపోతున్న ఒత్తిడిని తగ్గించాలని, లైసెన్స్​ నిబంధనల్లో కీలక మార్పులు చేసింది రోడ్డు రవాణా మంత్రిత్వశాఖ. ఈ మేరకు ప్రభుత్వం ఆమోదించిన ట్రైనింగ్​ సెంటర్లలోనే పరీక్ష నిర్వహిస్తారు. ఆ కేంద్రాల్లోనే లైసెన్స్​ సర్టిఫికెట్లు పొందొచ్చు.

ఇక ఈ కొత్త డ్రైవింగ్​ రూల్స్​ ఉల్లంఘిన విషయం కాస్త కఠినంగానే ఉంది. నిబంధన ప్రకారం సరైన లైసెన్స్​ లేకుండా వాహనం నడిపితే రూ. 1000 నుంచి రూ. 2000 వరకు జరిమానా పడుతుంది. ఒకవేళ మైనర్ వాహనం నడుపుతూ దొరికిపోతే  సంబంధిత వ్యక్తి గార్డియన్​ లేదా తల్లిదండ్రులకు రూ. 25వేల వరకు జరిమానా పడొచ్చు. 

అంతేకాదు సదరు మైనర్​.. 25ఏళ్లు వచ్చేంతవరకు డ్రైవింగ్​ లైసెన్స్​ పొందలేరు. ఇక మైనర్​ నడిపిన వాహనానికి సంబంధించిన రిజిస్ట్రేషన్​ సర్టిఫికేట్​ని కూడా రద్దు చేస్తామని నిబంధనలు చెబుతున్నాయి. కాగా.. డ్రైవింగ్​ లైసెన్స్​కి సంబంధించిన అప్లికేషన్​ ప్రాసెస్​లో మాత్రం మారలేదు. ఆన్​లైన్​లో లేదా పరివాహన్​ వెబ్​సైట్​లో అప్లికేషన్​ దాఖలు చేసుకోవచ్చు.

 స్థానిక ఆర్​టీఓకి వెళ్లి మేన్యువల్​గానూ డ్రైవింగ్​ లైసెన్స్​ అప్లికేషన్​ దాఖలు చేసుకోవచ్చు. నూతన డ్రైవింగ్​ లైసెన్స్ ​ లేదా పాత దానిని రెన్యువెల్​ చేసుకునే ప్రాసెస్​లో కూడా మార్పులు చేసింది కేంద్రం. పర్మనెంట్​ డ్రైవింగ్​ లైసెన్స్​ పొందడం లేదా లర్నింగ్​ లైన్స్​ పొందడం లేదా రెండింటినీ రెన్యూ చేసుకోవడం కోసం ఫీజును రూ. 200గా నిర్దేశించింది. అంతర్జాతీయ డ్రైవింగ్​ లైసెన్స్​కి మాత్రం అది రూ. 1000గా ఉంది.