‘‘కెనడాకు వచ్చే విద్యార్థులు ఇక్కడే చదువుకోవడానికి ఉండాలి. అందువల్ల, వారు వారానికి 24 గంటలు మాత్రమే పనిచేయడానికి అనుమతించడం వల్ల వారు ప్రధానంగా తమ చదువుపై దృష్టి పెడతారు. అవసరమైనంత మేరకే పని చేసే అవకాశం ఉంటుంది’’ అని ఇమ్మిగ్రేషన్, రెఫ్యూజీస్ అండ్ సిటిజన్షిప్ కెనడా (ఐఆర్సిసి) ఒక ప్రకటనలో తెలిపింది.
కరోనా మహమ్మారి సమయంలో ప్రవేశపెట్టిన విధానంలో విదేశీ విద్యార్థులు ప్రతి వారం 40 గంటలు పనిచేయడానికి అనుమతి ఉంది. అంటే విదేశీ విద్యార్థులు వారానికి పని చేసే సమయం దాదాపు 16 గంటలు తగ్గుతుంది. అయితే, అలాంటి విద్యార్థులు వేసవి సెలవుల వంటి నిర్ణీత సెలవు రోజుల్లో అపరిమిత గంటలు పని చేయవచ్చు.
మరోవంక, ప్రభుత్వ విద్యా సంస్థ లైసెన్స్ తో నడుస్తున్న ప్రైవేటు కాలేజీలో చేరిన విదేశీ విద్యార్థులకు, తమ గ్రాడ్యుయేషన్ పూర్తయిన తరువాత, పోస్ట్ గ్రాడ్యుయేట్ వర్క్ పర్మిట్ పొందడానికి అర్హులు కాదని ఐఆర్ సీ సీ స్పష్టం చేసింది. అయితే, ఈ నిబంధన ఈ సంవత్సరం మే 15వ తేదీ తరువాత జాయిన్ అయిన విదేశీ విద్యార్థులకు మాత్రమే వర్తిస్తుంది.
More Stories
కాలిఫోర్నియాలో జడ్జిగా తెలుగు మహిళ బాడిగ జయ
శ్రీలంకలో సీతమ్మ వారి పునః ప్రతిష్ట
చైనా సైనిక చర్య ఆపేయాలన్న తైవాన్