* ఇండియా టివి – సీఎన్ఎక్స్ సర్వే
ప్రధానమంత్రి నరేంద్ర మోదీ నేతృత్వంలోని నేషనల్ డెమోక్రటిక్ అలయన్స్ (ఎన్డీయే) ఇప్పుడు ఎన్నికలు జరిగితే మొత్తం 543 లోక్‌సభ స్థానాల్లో 393 గెలుచుకోవచ్చని, భారతీయ జనతా పార్టీ ఒక్కటే 343 సీట్లు గెలుచుకుంటుందని అంచనా వేస్తున్నట్టు ఇండియా టివి – సీఎన్ఎక్స్ సర్వే తెలిపింది. ప్రతిపక్ష కాంగ్రెస్ నేతృత్వంలోని ఇండియా. కూటమి (తృణమూల్ కాంగ్రెస్ కాకుండా) 99 సీట్లు గెలుచుకోగా, తృణమూల్ కాంగ్రెస్, వైఎస్సార్సీపీ, బీజేడీ, స్వతంత్రులు మిగిలిన 51 స్థానాలను గెలుచుకోవచ్చని అభిప్రాయ సేకరణ అంచనా వేసింది.
ఈ వివరాలను మంగళవారం సాయంత్రం న్యూస్ ఛానెల్ ప్రసారం చేసింది. ఏప్రిల్ 1 నుండి ఏప్రిల్ 13 మధ్య మొత్తం 543 నియోజకవర్గాలలో మొత్తం 1,22,175 మంది నుండి అభిప్రాయసేకరణ జరిపారు. వీరిలో 62,350 మంది పురుషులు, 59,825 మంది మహిళలు ఉన్నారు. పార్టీల వారీ సీట్ల అంచనాలు: బీజేపీ 343, కాంగ్రెస్ 40, ఆమ్ ఆద్మీ పార్టీ (ఆప్) 8, తృణమూల్ కాంగ్రెస్ (టీఎంసీ) 19, సమాజ్ వాదీ పార్టీ (ఎస్పీ) 4, జేడీ(యూ) 12, డీఎంకే 17, టీడీపీ 12, ఇతరులు 88 సీట్లు.
అధికార భారతీయ జనతా పార్టీ గుజరాత్‌లోని మొత్తం 26 సీట్లు, రాజస్థాన్‌లోని మొత్తం 25 సీట్లు, ఛత్తీస్‌గఢ్‌లోని మొత్తం 11 సీట్లు, ఢిల్లీలోని మొత్తం ఏడు సీట్లు, ఉత్తరాఖండ్‌లోని మొత్తం 5 సీట్లు, హిమాచల్ ప్రదేశ్‌లోని మొత్తం 4 సీట్లను క్లీన్ స్వీప్ చేయబోతోంది. మధ్యప్రదేశ్‌లోని 29 స్థానాలకు గాను 28 స్థానాలు, హర్యానాలో 10 స్థానాలకు గాను 8 స్థానాలను బీజేపీ గెలుచుకోనుంది.
ఉత్తరప్రదేశ్‌లో అత్యంత అద్భుతమైన విజయం సాధించబోతోంది. ఇక్కడ బిజెపి 72 సీట్లు గెలుచుకోవచ్చు, దాని కూటమి భాగస్వాములు రాష్ట్రీయ లోక్‌దళ్ (ఆర్‌ఎల్‌డి), అప్నా దళ్ చెరో రెండు సీట్లు గెలుచుకోవచ్చు. మొత్తం 80 సీట్లలో, మిగిలిన నాలుగు సీట్లు సమాజ్‌వాదీ పార్టీ గెల్చుకొనే అవకాశం ఉంది. యుపిలో కాంగ్రెస్, బహుజన్ సమాజ్ పార్టీ (బిఎస్పి) రెండూ ఖాళీ కావచ్చు.
బీహార్ (40కి 17), జార్ఖండ్ (14కి 12), కర్ణాటక (28కి 21), మహారాష్ట్ర (48కి 29), ఒడిశా (21కి 10) బీజేపీ చెప్పుకోదగ్గ విజయాలు సాధించబోతున్న ఇతర రాష్ట్రాలు. ), అస్సాం (14 లో 11), పశ్చిమ బెంగాల్ (42 లో 23) బిజెపి గెల్చుకొనే అవకాశం ఉంది. ప్రాంతీయ పార్టీలలో, పశ్చిమ బెంగాల్‌లో తృణమూల్ కాంగ్రెస్ 19 సీట్లు, తమిళనాడులో డీఎంకే 17 సీట్లు, వైఎస్సార్సీపీ 10, ఆంధ్రప్రదేశ్‌లో టీడీపీ 12, ఒడిశాలోని 21 స్థానాలకు గాను బిజూ జనతాదళ్ 11 సీట్లు గెలుచుకోవచ్చు.
More Stories
ఓటు బ్యాంకు రాజకీయాల కోసమే మత ప్రాతిపాదక రిజర్వేషన్లు
అన్నామలైకి సుప్రీంకోర్టులో ఊరట
సెక్స్ రాకెట్ లో ఎట్టకేలకు ప్రజ్వల్ రేవణ్ణపై వేటుకు సిద్ధం!