మరోవంక, కాంగ్రెస్ పార్టీలో నాయకత్వ స్ధానాల్లో మహిళలకు గుర్తింపు ఉండదని, వారిని కీలక పదవుల్లో ప్రోత్సహించరని తమిళనాడులో మాజీ ఎమ్మెల్యే, కాంగ్రెస్ నుంచి ఇటీవల బిజెపిలో చేరిన ఎస్. విజయధరణి విమర్శించారు. కాంగ్రెస్ పార్టీలో మహిళలకు సరైన వేదిక లేదని, 14 ఏండ్లుగా తాను మినహా కాంగ్రెస్ పార్టీలో మహిళా ఎమ్మెల్యే ఒక్కరు కూడా లేరని ఆమె పేర్కొన్నారు. తనను సైతం కాపాడుకోలేని దుస్ధితిలో ఆ పార్టీ ఉండటం విచారకరమని చెప్పారు. మహిళలకు పార్టీలో పలు అవరోధాలు సృష్టిస్తారని, వారి కుయుక్తులు భరించలేక ఆ పార్టీలో చేరిన 37 ఏండ్ల అనంతరం కాంగ్రెస్ నుంచి బయటకు రావాల్సి వచ్చిందని ఆమె ఆరోపించారు. నాయకత్వ పదవులు మహిళలకు ఇవ్వరాదనే పద్ధతి సరైంది కాదని కాంగ్రెస్కు ఆమె హితవు పలికారు.
మహిళను కేవలం ఎమ్మెల్యే అవడంతోనే ఎందుకు ఆపాలని ఆమె ప్రశ్నించారు. ఏడేండ్ల పాటు పార్టీ తనను ఎదగనివ్వలేదని ఆరోపించారు. బీజేపీ మహిళల్లో నాయకత్వ లక్షణాలను గుర్తించి అర్ధం చేసుకున్నందునే తాను ఆ పార్టీలో చేరాలని నిర్ణయించుకున్నానని ఆమె చెప్పారు. విల్వన్కోడ్ ఎమ్మల్యే విజయధరణి రాజీనామాను ఇటీవల అసెంబ్లీ స్పీకర్ ఆమోదించారు.
ప్రధాని నరేంద్ర మోదీ చట్టసభల్లో మహిళలకు 33 శాతం రిజర్వేషన్ కల్పిస్తూ చట్టాన్ని తీసుకువచ్చారని, ట్రిపుల్ తలాక్ రద్దు చేశారని ఆమె ప్రశంసలు గుప్పించారు. కన్యాకుమారి జిల్లాలో బీజేపీకి గట్టి పట్టున్న విల్వన్కోడ్ నియోజకవర్గం నుంచి 2021లో విజయధరణి కాంగ్రెస్ ఎమ్మెల్యేగా విజయం సాధించారు.
More Stories
జైనూర్ లో గిరిజనులు, ఆదివాసుల ఇళ్లపై దౌర్జన్యం!
ఆదిలాబాద్లో తొలి ట్రిపుల్ తలాక్ కేసు
రాష్ట్రంలో ప్రభుత్వం మారినా పాలన మారలేదు