భారీ వర్షాల కారణంగా పొరుగు దేశం పాకిస్తాన్ పరిస్థితి మరింత దారుణంగా మారింది. కరాచీ సహా పలు నగరాల్లో గ‌త రాత్రి నుంచి కుండ‌పోత‌గా వర్షం కురుస్తోంది. భారీ వర్షాలు కురువడంతో వరదలు వచ్చే పరిస్థితి నెలకొంది. సాయంత్రం నుంచి భారీ వర్షం కురువగా పరిస్థితి మరింత దిగజారింది.
కరాచీ సహా పలు నగరాల్లో రాత్రంతా వర్షం కురవడంతో వరదలు వచ్చే పరిస్థితి నెలకొంది. వాహనాలు వరదల్లో కొట్టుకుపోయాయి. ఇంతలో విద్యుత్ సరఫరా నిలిచిపోయి ప్రజలు రాత్రంతా అంధకారంలోనే గడిపారు. కరాచీలోని 700 పవర్ ఫీడర్లు నిలిచిపోయాయి. దీంతో సగానికిపైగా నగరం అంధకారంలో కూరుకుపోయి ప్రజలు తీవ్ర ఇబ్బందులు పడాల్సి వచ్చింది.
ఇళ్లు, ఆసుపత్రుల్లోకి వర్షం నీరు చేరిందని స్థానిక మీడియా పేర్కొంది. ఇక విద్యుత్ సరఫరా నిలిచిపోవడంతో ప్రజలు రాత్రి అంధకారంలో గడిపారు. పాకిస్తాన్ వాతావరణ శాఖ (పిఎమ్‌డి) ఒక రోజు ముందే భారీ వర్షం పడుతుందని హెచ్చరించినప్పటికీ వర్షాన్ని ఎదుర్కోవడానికి నగర పరిపాలన ఎటువంటి చర్యలు తీసుకోకపోవడంతో చాలా రోడ్లు నీటితో నిండిపోయాయి.
ప్రయాణికులు వారి వాహనాలలో చిక్కుకున్నారు. కరాచీ మేయర్ ముర్తాజా వహాబ్, భారీ వర్షాల తర్వాత నగరంలో పరిస్థితిని దృష్టిలో ఉంచుకుని, అత్యవసరమైతే తప్ప బయటకు వెళ్లవద్దని ప్రజలను హెచ్చరించారు. కొన్ని నీటి పంపింగ్ స్టేషన్లు పనిచేయడం ఆగిపోయాయని తెలిపారు. వర్షపు కాలువలు పూర్తి స్థాయిలో ప్రవహిస్తున్నాయి.
మేయర్ నగరంలోని అన్ని ప్రాంతాల్లో పర్యటించి పరిస్థితిని సమీక్షించారు. రోడ్లపై వర్షపు నీటిని తొలగించాలని అన్ని జిల్లాల మున్సిపల్ కార్పొరేషన్లను ఆదేశించారు. పాకిస్తాన్ వాతావరణ శాఖ సూచన ఉన్నప్పటికీ, సింధ్ ప్రభుత్వం వర్షాన్ని ఎదుర్కొనేందుకు ఎటువంటి చర్యలు తీసుకోలేదు. జిన్నా పోస్ట్‌గ్రాడ్యుయేట్ మెడికల్ సెంటర్ (జెపిఎంసి)లోని గైనకాలజీ వార్డులోని ఆపరేషన్ థియేటర్, సివిల్ హాస్పిటల్ వార్డు నంబర్ 3లోకి వర్షం నీరు చేరింది.
ఇదిలా ఉండగా, నగరంలోని పలు ప్రాంతాల్లో రెస్క్యూ టీమ్‌లు ప్రజలకు సహాయంగా పనిచేస్తున్నాయి. ఇప్పటి వరకు ఒక్క భవనం కూడా కూలిన సంఘటనలు జరగలేదు. అయితే గోడ కూలడంతో ఇద్దరు వ్యక్తులకు స్వల్ప గాయాలయ్యాయి. గాయపడిన వారిని వెంటనే చికిత్స కోసం జిన్నా పోస్ట్‌గ్రాడ్యుయేట్ మెడికల్ సెంటర్‌కు తరలించినట్లు అధికారులు తెలిపారు.
More Stories
విదేశీ విద్యార్థులకు కెనడా వారానికి 24 గంటలే వర్క్ పర్మిట్
ఆఫ్ఘన్ షియా మసీదులో కాల్పులు.. ఆరుగురు మృతి
కొవిషీల్డ్‌తో ప్రమాదకరమైన దుష్ప్రభావాలు