ఇక రాజకీయాలకు గుంటూరు ఎంపీ గల్లా దూరం

“ప్రస్తుతం రాజకీయాల నుంచి వైదొలగాలని నిర్ణయించుకున్నాను. వచ్చే ఎన్నికల్లో పోటీ చేయను. ఇకపై పూర్తిగా వ్యాపారాలపై దృష్టి పెడుతాను. 10 ఏళ్ల పాటు ప్రజలకు సేవ చేశాను. తక్కువ సమయంలోనే రాజకీయాల్లోకి వచ్చి విజయవంతం అయ్యాను. వచ్చే ఎన్నికల్లో కూడా నిలబడితే గెలుస్తాను. కానీ పోటీ చేయవద్దని నిర్ణయించుకున్నాను” అని తెలిపారు. 

అయితే, మళ్లీ అవకాశం వస్తే పోటీ చేస్తానని, మళ్లీ రాజకీయాల్లో వచ్చేందుకు సిద్ధంగా ఉంటానని వెల్లడించారు. కేంద్ర రాష్ట్ర ప్రభుత్వాల మధ్య సంబంధాలు మంచిగా ఉంటే బాగుండేదని పేర్కొంటూ ఇలాంటి పరిస్థితి వస్తుందని ఎప్పుడూ అనుకోలేదని ప్రస్తుత పరిస్థితులపై ఆందోళన వ్యక్తం చేశారు. వ్యాపారవేత్తలు రాజకీయాల్లో వస్తే స్వేచ్ఛంగా మాట్లాడే అవకాశం ఉండాలని చెబుతూ కానీ ప్రస్తుత రాజకీయాల్లో అలాంటి పరిస్థితులు లేవని విచారం వ్యక్తం చేశారు. ప్రభుత్వాలను ప్రశ్నిస్తే వ్యాపార సంస్థలపై నిఘా పెడుతున్నారని ఆరోపించారు.