షర్మిల వెంటే .. ఎమ్యెల్యే ఆర్కే

2019 ఎన్నికల్లో లోకేశ్ పై పోటీ చేసి గెలిచానని గుర్తు చేస్తూ మంగళగిరి అభివృద్ధి కోసమే తనను ప్రజలు గెలిపించారని తెలిపారు. నియోజకవర్గ అభివృద్ధి కోసం ముఖ్యమంత్రి వైఎస్ జగన్ మోహన్ రెడ్డి రూ.1200 కోట్లు కేటాయించారని, ఆ నిధులను ఖర్చు చేసేందుకు డీపీఆర్ లు సిద్ధం చేశారని,  అయితే వాటిని క్రమంగా రూ. 125 కోట్లకు కుదిస్తూ వచ్చారని రామకృష్ణారెడ్డి విస్మయం వ్యక్తం చేశారు. 

కేవలం రూ. 125 కోట్లు మాత్రమే ఇస్తూ జీవో ఇచ్చారని, ఇందుకు సంబంధించిన పనులు పూర్తి అయ్యాయని, అయితే ఆ నిధులను కూడా విడుదల చేయలేదని ఆవేదన వ్యక్తం చేశారు. ఇదే విషయంలో ధనుంజయ రెడ్డితో చాలా సార్లు మాట్లాడినప్పటికీ డబ్బులు విడుదల కాలేదని చెప్పారు. 

కాంట్రాక్టర్ల నుంచి తీవ్రమైన ఒత్తిడి రావడంతో స్వయంగా తానే అప్పులు తీసుకొచ్చి కొన్ని ఇచ్చానని తెలిపారు. దుగ్గిరాల విషయంలో నిధులు కేటాయించలేదంటూ ఇలాంటి పరిస్థితుల్లో తాను ఏం చేయాలి? మరోసారి గెలవాలంటే సంక్షేమమే కాదు అభివృద్ధి చేయకుండా మంగళగిరి ప్రజలను ఏమని ఓట్లు అడగాలి? అని ప్రశ్నించారు. అందుకే ఎవర్నీ నిందించకుండా పక్కకు జరిగానని, ఎమ్మెల్యే పదవితో పాటు పార్టీకి కూడా రాజీనామా చేశానని ఆర్కే చెప్పుకొచ్చారు.