యూఏఈ భాగస్వామ్యంతో ఇంధన రంగంలో భద్రత

ఇరు దేశాలు ఇంధన రంగంలో చేతులు కలపడం ద్వారా రీ ప్రొడక్టివ్ శక్తిని ప్రోత్సహించేందుకు వీలు పడుతుందని చెబుతూ యూఏఈలో తాను ఆరో సారి పర్యటిస్తున్నట్లు చెప్పారు. అభివ‌ృద్ది చెందుతున్న దేశాలు ఏవైనా సమస్యల్లో ఉంటే వాటిని పరిష్కరించడంలో భాగం కావాలని, దీనికి తాను సుముఖంగా ఉన్నట్లు ఆయన వెల్లడించారు.

అందులో భాగంగా అవసరమైన ఆర్థిక, సాంకేతికతను ఒకరికొకరు అందిపుచ్చుకోవాలని కోరారు.”మెరుగైన భూగోళం కోసం పని చేయడానికి ప్రపంచ దేశాలు కృషి చేయాలి. కాప్-28 సదస్సులో ప్రపంచ దేశాధినేతలతో వాతావరణ మార్పులకు సంబంధించి చర్చలు జరిగాయి. పర్యావరణ పరిరక్షణ కోసం ఉమ్మడి కార్యాచరణ రూపొందించాం” అని ప్రధాని తెలిపారు.

సందర్భంగా, ప్రధాని మోదీ కింగ్ చార్లెస్ IIIతో సమావేశమయ్యారు. వాతావరణ మార్పులకు వ్యతిరేకంగా కింగ్ చార్లెస్‌ పోరాడుతున్నారని మోదీ కొనియాడారు.  “ఈరోజు ముందుగా దుబాయ్‌లో, పర్యావరణ పరిరక్షణ, స్థిరమైన అభివృద్ధి పట్ల ఎల్లప్పుడూ మక్కువ చూపే కింగ్ చార్లెస్‌తో సంభాషించే అవకాశం నాకు లభించింది. వాతావరణ మార్పులపై పోరాటంలో ఆయన ఒక ముఖ్యమైన స్వరం. @RoyalFamily” అని ప్రధాని మోదీ ఒక పోస్ట్‌లో తెలిపారు. 

దుబాయి పర్యటనలో ఆయన వియత్నం ప్రధాని ఫామ్ మిన్ చిన్హ్ తదితరులను కలిశారు. ఆ తరువాత అక్కడి పారిశ్రామిక వేత్తలు, ప్రతినిధులు, ఉన్నతాధికారులతో కూడిన ఏడు ద్వైపాక్షిక సమావేశాలలో పాల్గొన్నారు. నాలుగు చోట్ల దౌత్య పరమైన అంశాలపై ప్రసంగించారు. “ప్రధానమంత్రి పర్యటన ప్రపంచ నాయకులతో ఫలవంతమైన నిశ్చితార్థాలు మరియు ప్రపంచ వాతావరణ చర్యలను వేగవంతం చేయడానికి మార్గనిర్దేశం చేసే కార్యక్రమాల ద్వారా నిర్వచించబడింది” అని విదేశాంగ శాఖ ప్రతినిధి అరిందమ్ బాగ్చి ఒక పోస్ట్‌లో తెలిపారు.