కెనడా వాసులకు వీసాల జారీ పాక్షికంగా ప్రారంభం

అంతేకాదు, మరో అడుగు ముందుకు వేసి భారత్ లో అధిక సంఖ్యలో ఉన్న కెనడా దౌత్య సిబ్బందిని వెనక్కి తీసుకోవాలని ఆదేశించింది. దీంతో భారత్ కెనడా దౌత్య సిబ్బందిని ఉపసంహరించుకోక తప్పలేదు. దీన్ని దురదృష్టకర పరిణామంగా కెనడా పేర్కొంది. భారత్ అంతర్జాతీయ నిబంధనలు ఉల్లంఘించినట్టు ఆరోపించింది. 

కెనడాలో భారత దౌత్య సిబ్బందికి సమానంగా, కెనడా దౌత్య సిబ్బంది ఉండాలన్నదే తమ విధానంగా భారత్ పేర్కొంది. అనంతరం కెనడాలోని భారత దౌత్య సిబ్బందికి భద్రతకు హామీ లేనందున వీసా సేవలను నిలిపివేస్తున్నట్టు భారత్ ప్రకటించింది.

కెనడా సైతం భారత్ లోని అన్ని కాన్సులేట్లలో కార్యకలాపాలు, వీసాల జారీని నిలిపివేస్తూ నిర్ణయాన్ని ప్రకటించింది. చూస్తుంటే ఇది ఎంత వరకు వెళుతుందోనన్న సందేహం ఏర్పడింది. ఈ పరిస్థితి కుదుట పడే దిశగా భారత్ చొరవ తీసుకున్నట్టు కనిపిస్తోంది. కెనడా వాసులకు వీసాల జారీని తిరిగి ప్రారంభిస్తున్నట్టు ప్రకటించింది. కెనడాతో దౌత్య చర్చల అనంతరం ఈ పరిణామం జరిగినట్టు తెలుస్తోంది.