నవంబర్ 1 నుంచి ఢిల్లీ పరిధిలో డీజిల్ బస్సులపై నిషేధం

నవంబర్ 1 నుంచి దేశ రాజధాని ఢిల్లీ పరిధిలో డీజిల్ బస్సులు తిరగడంపై నిషేధం విధిస్తూ సంచలన నిర్ణయం తీసుకున్నారు. డీజిల్‌తో నడిచే బస్సులు ఢిల్లీ, ఎన్‌సీఆర్ ప్రాంతంలో నవంబర్ 1 నుంచి ప్రయాణించడానికి వీలు లేదని ఎయిర్ క్వాలిటీ మేనేజ్‌మెంట్ కమిషన్ ప్రకటించింది. కేవలం ఎలక్ట్రిక్, సీఎన్‌జీ, బీఎస్ 6 డీజిల్ బస్సులను మాత్రమే అనుమతించనున్నట్లు తెలిపింది.

దీంతోపాటు నేషనల్ క్యాపిటల్ రీజియన్‌లో బాణసంచా వాడకాన్ని పూర్తిగా నిషేధించాలని ఢిల్లీ ప్రభుత్వం కేంద్రాన్ని కోరింది. దీపావళి సందర్భంగా ఏర్పడే వాయు కాలుష్యాన్ని అరికట్టడమే లక్ష్యంగా ఢిల్లీ, పంజాబ్, హర్యాణా, ఉత్తర్‌ప్రదేశ్, రాజస్థాన్ రాష్ట్రాల పర్యావరణ శాఖ మంత్రులతో కేంద్ర మంత్రి భూపేందర్ యాదవ్ శనివారం సమావేశం నిర్వహించారు.