చంద్రబాబు క్వాష్‌ పిటిషన్‌పై విచారణ 17కు వాయిదా

ఇదిలా ఉండగా ఫైబర్‌నెట్‌ కేసులోనూ చంద్రబాబు ముందస్తు బెయిల్‌ పిటిషన్‌పై సుప్రీంకోర్టులో విచారణ మంగళవారానికి వాయిదా పడింది. చంద్రబాబు తరఫు లాయర్‌ సిద్ధార్థ లూథ్రా వాదనలు వినిపిస్తూ ఫైబర్‌ నెట్‌ కేసులో ముగ్గురికి ముందస్తు బెయిల్ వచ్చిందని చెబుతూ కొందరికి ముందస్తు బెయిల్‌, మరి కొంతమందికి రెగ్యులర్‌ బెయిల్‌ ఉన్నప్పుడు చంద్రబాబుకు బెయిల్‌ ఎందుకివ్వరని ధర్మాసనం దృష్టికి తెచ్చారు.  వాదనల అనంతరం విచారణను మంగళవారానికి వాయిదా వేసిన సుప్రీంకోర్టు  ప్రతివాదులకు నోటీసులు జారీ చేసి కౌంటర్‌ దాఖలు చేయాలని ఆదేశించింది.

అంగళ్లు కేసులో ముందస్తు బెయిల్

అంగళ్లు అల్లర్ల కేసులో చంద్రబాబు నాయుడుకు ముందస్తు బెయిల్ మంజూరైంది. లక్ష పూచీకత్తు, ఇద్దరి ష్యూరిటీలతో బెయిల్ మంజూరు చేశారు. చంద్రబాబు ముందస్తు బెయిల్‌పై విచారణ జరిపిన ఏపీ హైకోర్టు లక్ష రుపాయల పూచీకత్తుతో ముందస్తు బెయిల్ మంజూరు చేసింది. అంగళ్లు కేసులో 179మంది నాయకులపై పోలీసులు కేసు పెట్టారు. అంగళ్లు కేసులో చంద్రబాబు కస్టడీలో లేనందున చంద్రబాబు బెయిల్ పిటిషన్‌ను ఏపీ హైకోర్టు గత వారం తోసిపుచ్చింది. తాజాగా ముందస్తు బెయిల్‌ పిటిషన్‌ను హైకోర్టు అనుమతించింది.