సైబర్ నేరాల్లో ఎక్కువగా మోసపోతున్న విద్యావంతులు

థర్డ్‌ పార్టీ యాప్స్‌ ద్వారా క్రెడిట్‌/డెబిట్‌ కార్డుల సమాచారం తెలుసుకొని, వాటిని క్లోనింగ్‌ చేస్తూ మోసగిస్తున్న ఉదంతాలు వెలుగులోకి వస్తున్నాయి. ఇక మధ్య తరగతి ప్రజల ఆర్థిక అవసరాలను లక్ష్యంగా చేసుకొని, తక్కువ వడ్డీకి ఎక్కువ లోన్‌ ఇప్పిస్తామని మోసగిస్తున్న ఘటనలూ ఉన్నాయి. ఖాళీ సమయాల్లో మరేదైనా పని చేసుకునేందుకు ‘పార్ట్‌టైమ్‌ జాబ్‌’ కోసం వెతికినా మోసాలకు పాల్పడుతున్నారు. నకిలీ సోషల్‌ మీడియా ప్రొఫైల్స్‌ క్రియేట్‌ చేయడం, అత్యవసరంగా డబ్బులు కావాలని చాట్‌ చేయడం, త్వరలోనే ఇస్తానని నమ్మబలకడం ఈ మధ్య సర్వసాధారణ సైబర్‌ నేరాలుగా మారాయి.