విజయవంతంగా చంద్రయాన్‌-3 స్పేస్‌ క్రాఫ్ట్‌ కక్ష్య పెంపు

భారత్‌ పంపిన స్పేస్‌ క్రాఫ్ట్‌ ప్రస్తుతం భూమికి 41,603 కిలోమీటర్లు X 226 కిలోమీటర్ల దూరంలోగల కక్ష్యలో ఉన్నది. మంగళవారం మధ్యాహ్నం 2 గంటల నుంచి 3 గంటల మధ్య మరోసారి స్పేస్‌ క్రాఫ్ట్‌ ఇంజిన్‌లను మండించి కక్ష్యను మరింత పెంచనున్నారు. ఇస్రో శాస్త్రవేత్తలు సోమవారం మధ్యాహ్నం ఈ వివరాలను వెల్లడించారు.

కాగా, చంద్రుడిపై పరిశోధన కోసం ఇస్రో ఈ నెల 14న చంద్రయాన్‌-3 మిషన్‌ను విజయవంతంగా కక్ష్యలో ప్రవేశపెట్టింది. దాదాపు 40 రోజులకుపైగా సుదీర్ఘ ప్రయాణం అనంతరం అంటే ఆగస్టు 23 లేదా 24 తేదీల్లో ఆ స్పేస్‌క్రాఫ్ట్‌ చందమామపై దిగనుంది. కాగా, చంద్రయాన్‌-3 ప్రయోగం మొత్తంలో రోవర్‌ను చంద్రుడి ఉపరితలంపై సురక్షితంగా దించడమే తమ ముందున్న అసలైన సవాలని శాస్త్రవేత్తలు చెబుతున్నారు.