ఆరునూరైనా కేసీఆర్ ను ఓడించి తీరుతాం

బీజేపీ అధికారంలోకి వస్తే కౌలు రైతులు చనిపోతే రూ 5 లక్షలు ఇస్తామని ఆయన ప్రకటించారు. ధాన్యం కొనలేని దౌర్భాగ్య స్థితిలో రాష్ట్ర ప్రభుత్వం వ్యవహరించిందని దుయ్యబట్టారు.  ఎకరాకు రూ ఐదు వేల రూపాయలు ఇచ్చి ధాన్యం అమ్ముకుంటే కటింగ్ పేరుతో ఒక్కొక్కరికి రూ 5 వేలు తీసుకున్నారని విమర్శించారు.

మ్యానిఫెస్టో లో పెట్టిన రూ లక్ష రుణమాఫీ ఏమైందని ఈటెల ప్రశ్నించారు. తెలంగాణ నిరుద్యోగుల్లారా కేసీఆర్ పై ప్రతీకారం తీర్చుకునే సమయం ఆసన్నమైందని పిలుపిచ్చారు. టిఎస్పిఎస్సి లో ప్రభుత్వ పెద్దల అండదండలతో పేపర్లు లీకేజీ అయిందని విచారణలో తెలినా చర్యలు తీసుకోలేదని విమర్శించారు.

తెలంగాణ రాష్ట్రంలో 200 మంది చొప్పున బెల్టుషాపులు ఉన్నాయని అంటూ  లిక్కర్ ద్వారా రూ 45 వేల కోట్ల ఆదాయం వస్తుందని చెప్పారు. పేదలకు డబుల్ బెడ్రూం ఇల్లు కట్టిస్తామని ఈ ప్రభుత్వం  మోసం చేసిందని విమర్శించారు. మోదీ సర్కార్ దేశంలో మూడున్నర కోట్ల ఇండ్లు కట్టించిందని గుర్తు చేశారు.

హుజురాబాద్ ఉప ఎన్నికల్లో రూ 600 కోట్లు ఖర్చు చేసిండ్రు ఏమైంది? పైసలు ఎక్కడ నుంచి వచ్చాయని ప్రశ్నించారు. తెలంగాణ దశాబ్ది ఉత్సవాల పేరిట దావత్ లు చేశారని విమర్శించారు. ప్రజా క్షేత్రంలో కేసీఆర్ అంతు చూస్తాం, కేసీఆర్ సర్కార్ పై కొట్లాడతానికి అంకుటిత దీక్ష తో బీజేపీ సిద్ధంగా ఉందని స్పష్టం చేశారు.