తెలంగాణ ప్రజలకు రాష్ట్రపతి, ప్రధాని శుభాకాంక్షలు

కాగా, తెలంగాణ రాష్ట్ర అవతరణ దశాబ్ది వేడుకలు రాజ్ భవన్ లో ఘనంగా నిర్వహించారు. తెలంగాణ వీరులకు జోహార్లు తెలిపిన గవర్నర్ తమిళసై.. ఉద్యమకారులకు సన్మానం చేశారు. జై తెలంగాణ అనేది ఆత్మగౌరవ నినాదమని ఈ సందర్బంగా తెలిపారు. కేంద్ర సహకారంతోనే రాష్ట్రంలో అనేక అభివృద్ధి కార్యక్రమాలు చేశామని తెలిపారు. తన జీవితంలో ప్రతి క్షణం ప్రజల కోసమే పనిచేస్తానని చెప్పుకొచ్చింది.

తెలంగాణ అంటే కేవలం హైదరాబాద్ అభివృద్ధిని మాత్రమే చూడటం కాదని,  తెలంగాణ రాష్ట్రం మొత్తం అభివృద్ధి అయితేనే సంపూర్ణ అభివృద్ధి అనిపించుకుంటుందని చెప్పారు. వచ్చే సంవత్సరం నాటికి దేశంలో తెలంగాణ నంబర్1 కావాలని ఆకాంక్షించారు.