పాక్‌లో ఆత్మాహుతి దాడిలో ఇద్దరు మృతి

దాంతో పాకిస్థాన్ భద్రతా బలగాలకు చెందిన కనీసం 19 మంది గాయపడ్డారని ఓ అధికారి తెలిపారు. వారిలో ఇద్దరు మృతి చెందిన్నట్లు చెప్పారు.  ఖైబర్ ఫక్తూన్‌ఖ్వా లోని  డేరా ఇస్మాయిల్ ఖాన్ నుంచి దక్షిణ వజీరిస్థాన్‌లోని ఆస్మాన్ మంజా ప్రాంతంకు వెళుతున్న భద్రతా బలగాల వాహనంపై ఆత్మాహుతి బాంబర్ దాడి చేశాడని బాంబ్ డిస్పోసల్ స్కాడ్ ఇన్‌ఛార్జీ ఇనాయతుల్లా టైగర్ తెలిపారు. ఆ మొత్తం ప్రాంతాన్ని దిగ్బంధించారు.

ఈ దాడికి బాధ్యులమని ఇప్పటి వరకూ ఏ తీవ్రవాద సంస్థ ప్రకటించలేదు. పాకిస్థాన్‌లో ఇటీవల కాలంలో ఆత్మాహుతి దాడులు ఎక్కువగా జరుగుతున్నాయి. ఇదే రాష్ట్రంలో బుధవారం జరిగిన దాడిలో నలుగురు మరణించారు. జనవరి 30న పెషావర్‌లో ఒక మసీదులో జరిగిన ఆత్మాహుతి దాడిలో 101 మంది మరణించగా, 200 మందికి పైగా తీవ్రంగా గాయపడ్డారు.