ఐపీఎల్లో రాయల్ ఛాలెంజర్స్ బెంగళూరు స్టార్ బ్యాటర్ విరాట్ కోహ్లీ చారిత్రక రికార్డ్ నెలకొల్పాడు. ఢిల్లీ క్యాపిటల్స్తో శనివారం అరుణ్ జైట్లీ స్టేడియం వేదికగా జజరిగిన మ్యాచ్లో 18 బంతుల్లో 19 పరుగులు చేసిన విరాట్ కోహ్ ఐపీఎల్లో 7000 పరుగులు చేసిన తొలి బ్యాటర్గా నిలిచాడు.
ఈ మ్యాచ్కి ముందు 6988 పరుగులతో ఉన్న విరాట్ కోహ్లీ పవర్ ప్లే ముగిసేలోపే మూడు బౌండరీల సాయంతో ఈ రికార్డ్ని అందుకున్నాడు. ఐపీఎల్ 2023 సీజన్లో నిలకడగా రాణిస్తున్న విరాట్ కోహ్లీ ఇప్పటికే ఆడిన 9 మ్యాచ్ల్లో 376 పరుగులు చేశాడు. ఇందులో 5 హాఫ్ సెంచరీలు ఉండటం విశేషం. తాజాగా 46 బంతు్లో 55 పరుగులతో 6వ హాఫ్ సెంచరీ చేశారు.
ఓవరాల్గా 233 మ్యాచ్లాడి 129.53 స్ట్రైక్రేట్తో 7000* పరుగులు కోహ్లీ చేశాడు. ఇందులో ఐదు సెంచరీలు ఉండగా, 614 ఫోర్లు, 229 సిక్సర్లు ఉన్నాయి. మొత్తంమీద, ఐపీఎల్లో అత్యధిక పరుగులు చేసిన బ్యాటర్ల జాబితాలో విరాట్ కోహ్లీ తర్వాత.. శిఖర్ ధావన్ (6536), డేవిడ్ వార్నర్ (6189), రోహిత్ శర్మ (6063), సురేశ్ రైనా (5528), ఏబీ డివిలియర్స్ (5162), మహేంద్రసింగ్ ధోనీ (5054) టాప్-7లో కొనసాగుతున్నారు.
2008 నుంచి ఐపీఎల్ జరుగుతుండగా మొదటి సీజన్ నుంచి బెంగళూరు టీమ్కే విరాట్ కోహ్లీ ఆడుతున్న విషయం తెలిసిందే. 16 ఏళ్ల ఐపీఎల్ చరిత్రలో ఇలా ఒకే టీమ్కి అన్ని సీజన్లూ ఆడిన ఏకైక ప్లేయర్ కోహ్లీనే కావడం గమనార్హం.
More Stories
స్వామి చిన్మయానంద ఓ ఆధ్యాత్మిక విప్లవకారుడు
లోక్సభ ఎన్నికల్లో కాంగ్రెస్ పార్టీకి 50 సీట్లైనా రావు
ప్రజ్వల్ రేవణ్ణ విషయంలో ముందే హెచ్చరించిన బీజేపీ నేత అరెస్ట్