కేజ్రీవాల్ ఇంటి సుందరీకరణకు రూ.45 కోట్లు

ఈ విమర్శలకు ఆప్ అధికార ప్రతినిధి ప్రియాంక కక్కర్ స్పందిస్తూ “డొనాల్డ్ ట్రంప్ 3 గంటల పర్యటనకు రూ.80కోట్లు ఖర్చు చేశారు. మధ్యప్రదేశ్, గుజరాత్ ముఖ్యమంత్రులు.. విమానాల కోసం రూ.200 కోట్లు కేటాయించుకున్నారు. ఈ విషయాలపై చర్చించేందుకు ఎవరికీ ధైర్యం లేదు” అంటూ ఎదురు దాడి చేశారు.

కేజ్రీవాల్ ప్రస్తుతం ఉంటున్న బంగ్లా 1942లో నిర్మితమైందని, అది శిథిలావస్థలో ఉందని ఆమె చెప్పారు. ఓసారి కేజ్రీవాల్ తల్లిదండ్రులు ఉంటున్న గది పైకప్పు స్లాబ్ ఊడిపోయిందని అంటూ  ఇంట్లో పైకప్పు స్లాబ్ మూడుసార్లు కూలిపోయిందని ఆమె తెలిపారు. ఇంటికి మరమ్మతులు చేయాలని పీడబ్ల్యూడీనే చెప్పిందని ఆమె స్పష్టం చేశారు. పైగా,  ఢిల్లీ సీఎం ఇంటి నిర్మాణ విలువ కంటే ఆరు ఎకరాల్లో ఉన్న లెఫ్టినెంట్ గవర్నర్ నివాస మరమ్మతులు/పెయింటింగ్‍కే ఎక్కువ ఖర్చయిందని ఆమె ఆరోపించారు.