ఎపి అసెంబ్లీలో సోమవారం వైసిపి, టిడిపి ఎమ్మెల్యేలు ఘర్ష‌ణ‌కు  దిగడంతో రణరంగాన్ని తలపించింది. పరస్పరం ఘర్షణకు దిగడంతో సభ ప్రారంభమైన కాసేపటికే అసెంబ్లీలో ఉద్రిక్తత చోటు చేసుకుంది. సభలో పరస్పర దూషణలు చేసుకున్నారు. ఒక ద‌శ‌లో బుచ్చ‌య్య చౌద‌రి కింద‌ప‌డిపోయారు.  ఒక‌రిపై ఒక‌రు దాడి చేసుకునేందుకు య‌త్నించారు.

స‌భ అదుపు త‌ప్ప‌డంతో 11 మంది టిడిపి స‌భ్యుల‌ను స్పీక‌ర్ తమ్మినేని సీతారాం స‌భ నుంచి స‌స్సెండ్ చేసి అసెంబ్లీని వాయిదా వేశారు. వరుసగా ఏడవ రోజున కూడా టిడిపి సభ్యులను సభ నుండి బహిష్కరించి సభాకార్యక్రమాలు చేపట్టే ప్రయత్నం చేయడం గమనార్హం. ఈ ఉదయం సభ ప్రారంభమైన సమయం నుంచి జీవో నెంబర్ 1పైన టీడీపీ నిరసనకు దిగింది.