విడాకులు తీసుకున్నా బలవంతంగా భర్తల వద్దకు పంపుతున్న తాలిబన్లు

తాలిబన్ కమాండర్లు అఫ్గానిస్థాన్‍లో చాలా మంది విడాకులను రద్దు చేశారని, గతంలో వేధింపులను ఎదుర్కొన్న మహిళలను మళ్లీ వారి భర్తల వద్దకు బలవంతంగా పంపుతున్నారని ఆ దేశానికి చెందిన కొందరు లాయర్లు ఓ వార్తా సంస్థకు తెలిపారు.

తాలిబన్లు తన విడాకులను బలవంతంగా రద్దు చేశారని మరో యువతీ చెపింది. తన భర్త నుంచి తాను విపరీతమైన వేధింపులకు గురవుతున్నానని వెల్లడించారు. “మా అమ్మాయి ఏడ్చినా.. ఆహారం బాగాలేకున్నా అతడు నన్ను విపరీతంగా కొడతాడు. మహిళలకు అసలు మాట్లాడే అర్హతే లేదని నన్ను దూషిస్తుంటాడు” అని చెప్పారు.

అయితే తన కూతురికి తాలిబన్ కమాండర్‌తో ఎంగేజ్‍మెంట్ నిశ్చయించటంతో తన భర్త నుంచి తప్పించుకొని రహస్యంగా జీవిస్తున్నానని ఆమె చెప్పారు. ప్రస్తుతం తమ ఇంటి తలుపు ఎప్పుడు చప్పుడైనా విపరీతమైన భయం వేస్తోందని అన్నారు. అలా చాలా మంది మహిళల విడాకులను తాలిబన్లు రద్దు చేశారని తెలుస్తోంది.