బీజేపీలో చేరిన జగిత్యాల మాజీ మున్సిపల్ చైర్ పర్సన్ శ్రావణి

బిఆర్ఎస్ లో కిందిస్థాయి నేతలకు ఏమాత్రం గౌరవం లేదని పేర్కొంటూ  కేసులకు భయపడి చాలా మంది నేతలు బయటకు రావడం లేదని, బీజేపీతో మంతనాలు సాగిస్తున్నవారు పెద్ద సంఖ్యలో ఉన్నారని డీకే అరుణ  చెప్పారు. అయితే ఎన్నికలు సమీపించే కొద్దీ ఒక్కొక్కరుగా వచ్చి చేరతారని ఆమె ధీమా వ్యక్తం చేశారు. ఆ పార్టీలో కిందిస్థాయి నేతలు ప్రతిరోజూ వేధింపులకు, అణచివేతకు గురవుతున్నారని ఆమె తెలిపారు. తెలంగాణ వ్యాప్తంగా స్థానిక సంస్థల్లో మున్సిపల్ చైర్మన్లు, సర్పంచులు ఇబ్బందులు పడుతున్నారని చెప్పారు.

శ్రావణిని బీఆర్ఎస్ ఎమ్మెల్యే తీవ్రంగా వేధించారని, మరో రెండేళ్ల పదవీకాలం ఉన్నప్పటికీ ఆత్మాభిమానం చంపుకోలేక తన పదవికి రాజీనామా చేసి వచ్చారని అరవింద్ తెలిపారు. తన పార్లమెంట్ నియోజకవర్గం పరిధిలో ఉన్న జగిత్యాలలో ఈ విషయం తెలుసుకుని వెంటనే శ్రావణిని సంప్రదించానని, బీజేపీలో చేరాల్సిందిగా ఆహ్వానించానని చెప్పారు.