సాధారణంగా కాలుష్యంలో శబ్ధ కాలుష్యం, వాయు కాలుష్యం, నీటి కాలుష్యం ఉంటాయి. కాలుష్యంలో 40 శాతం వాటా రవాణా రంగానిదని గడ్కరీ తెలిపారు. దానిని తగ్గించేందుకు కృషిచేస్తున్నట్టు చెబుతూ విద్యుత్ బస్సులను పెంచాలని చూస్తున్నట్టు వెల్లడించారు.
“ఇంధన దిగుమతి భారత్ కు పెద్ద సవాలే. దేశ ఆర్థిక వ్యవస్థలోని రూ. 16 లక్షల కోట్లు.. పెట్రోల్, డీజిల్ కొనుగోలుకే విదేశాలకు వెళతాయి. ఇంధన అవసరాల్లో 80 శాతం దిగుమతే చేసుకుంటుంది భారత్. ఫలితంగా విదేశీ మారక నిల్వల్లో ఎక్కువ మొత్తాన్ని ఉపయోగించుకోవాల్సి వస్తోంది. విద్యుత్ వాహనాల సంఖ్య పెరిగితే.. ఇది దిగొస్తుంది,” అని నితిన్ గడ్కరీ తెలిపారు.
ఈవీలను ప్రోత్సహించే విధంగా ప్రభుత్వాలు విధానాలు రూపొందించాలని పేర్కొంటూ దీని ద్వారా కూడా ఉద్యోగ అవకాశాలు సృష్టించుకోవచ్చని సూచించారు. విద్యుత్ వాహనాలపై భారతీయుల ఆసక్తి ఇటీవలి కాలంలో విపరీతంగా పెరిగిందని చెప్పారు.
ఆటో సంస్థల మధ్య నెలకొన్న పోటీతో ధరలు దిగొస్తుండటం కూడా ప్లస్ పాయింట్గా నిలుస్తోంది. 2021తో పోల్చుకుంటే 2022లో ఈవీ సెగ్మెంట్ 200 శాతం వృద్ధిని సాధించింది! దేశంలో ఈవీ సేల్స్ 20 లక్షల మైలురాయిని దాటినట్టు కేంద్ర విద్యుత్శాఖ వెల్లడించింది. కేవలం 6 ఏళ్లలో ఈ మైలురాయిని అందుకోవడం విశేషం.
More Stories
జులైలో వందే మెట్రో రైల్‌ ట్రయల్‌ రన్‌!
బాలీవుడ్ నటుడు సాహిల్ ఖాన్ అరెస్ట్
ఐటీ రంగంలో కొత్త నియామకాలపై నీలినీడలు