అఫ్ఘానిస్థాన్‌, బంగ్లాదేశ్‌, పాకిస్థాన్‌ దేశాల నుంచి వలస వచ్చి గుజరాత్‌లో నివసిస్తున్న హిందువులతోపాటు సిక్కులు, బౌద్ధులు, జైనులు, పార్సీలు, క్రైస్తవులకు భారత పౌరసత్వాన్ని మంజూరు చేయాలని కేంద్ర ప్రభుత్వం నిర్ణయించింది. అందుకు ఉద్దేశించిన నోటిఫికేషన్‌ను కేంద్ర హోం మంత్రిత్వ శాఖ మంగళవారం జారీ చేసింది. 

ఈ మూడు దేశాల నుంచి వచ్చి గుజరాత్‌లోని మెహసానా, ఆనంద్‌ జిల్లాల్లో నివసిస్తున్న హిందువులు, సిక్కులు, బౌద్దులు, జైనులకు 1955 నాటి పౌరసత్వం చట్టం కింద పౌరసత్వాన్ని మంజూరు చేసే అధికారం జిల్లా కలెక్టర్లకు కేంద్రం ఇచ్చింది. ఆ జిల్లాల్లో నివసిస్తున్న అటువంటి వారు ఆన్ లైన్  దరఖాస్తులు చేసుకోవాలని, వాటిని ఆయా జిల్లాల కలెక్టర్లు పరిశీలించి ఆన్ లైన్ లో కేంద్ర ప్రభుత్వానికి సిఫార్సు చేస్తారని ఆ ప్రకటనలో వివరించారు. 

ఈ పౌరసత్వాన్ని1955 నాటి చట్టం కిందే మంజూరు చేస్తారు. 2019 నాటి పౌరసత్వ చట్ట సవరణ (సిఏఏ) కింద కాదని హోం మంత్రిత్వ శాఖ స్పష్టం చేసింది.

ఎన్‌ఆర్‌ఐలకు ఓటు హక్కుపై కేంద్రం హామీ