జెపి నడ్డాకు సమాధీ…. టిఆర్ఎస్ పై కిషన్ రెడ్డి ఆగ్రహం 

 ‘‘బతికున్న వారికి సమాధులు కట్టి.. పసుపు కుంకుమ చల్లి నివాళులర్పించే నీచ, నికృష్టపు సంస్కృతికి టీఆర్ఎస్ పాల్పడుతున్నది. బీజేపీ జాతీయ అధ్యక్షుడు జేపీ నడ్డాకు చౌటుప్పల్ మండలం దండు మల్కాపూర్‌‌‌‌లో సమాధి కట్టి, అంత్యక్రియలు నిర్వహించి అవమానపరిచారు. ఇలాంటి వికృత, ఉన్మాద చర్యలకు అధికార పార్టీ తెర లేపింది. మా సహనాన్ని అసమర్థతగా భావించవద్దు.. మేం తెగిస్తే పరిణామాలు తీవ్రంగా ఉంటాయి” అంటూ ఇలాంటి చిల్లర వేషాలు వేయడం నీచమైన చర్య అని మండిపడ్డారు.

‘‘మాకు సభ్యత, సంస్కారం ఉంది కాబట్టే.. మీరు ఎన్ని అప్రజాస్వామిక విధానాలకు పాల్పడినా, ఎన్ని అవినీతి, అక్రమాలకు పాల్పడినా సహనంతో ఉన్నాం. మేం కల్వకుంట్ల కుటుంబం కోసం పని చే యడం లేదు. దేశం కోసం పని చేస్తున్నాం. అందుకే మౌనంగా ఉంటున్నాం” అని కిషన్‌‌‌‌‌‌‌‌రెడ్డి అన్నారు. పుత్ర వాత్సల్యం కోసం టీఆర్ఎస్‌‌‌‌‌‌‌‌ను బీఆర్ఎస్ చేశారని, తెలంగాణ అనే పేరుతో ఉద్యమం చేసి అధికారంలోకి వచ్చి.. ఇప్పుడు ఆ పదం లేకుండా చేశారని విమర్శించారు.

తెలంగాణను దోచుకున్నది సరిపోక, ఇప్పుడు దేశా న్ని దోచుకునేందుకు విమానం కొన్నారని కేసీఆర్‌‌‌‌‌‌‌‌‌‌‌‌‌‌‌‌పై కిషన్‌‌‌‌‌‌‌‌రెడ్డి నిప్పులు చెరిగారు. ‘‘తెలంగాణలో కమీషన్ లేని కాంట్రాక్టే లేదు. టీఆర్ఎస్ నాయకులు దోచుకోని రంగమే లేదు. వారికి రియల్ ఎస్టేట్ సెక్టార్ బంగారు బాతులా మారింది. దోచుకోవడం, దాచుకోవడం.. అక్రమ సంపాదనను ఎన్నికల్లో ఖ ర్చు పెట్టడం.. అధికార దుర్వినియోగానికి పాల్పడటం. నిజాం పాలనను తలపిస్తున్నారు” అని విమర్శించారు.

టీఆర్ఎస్ వాళ్లు ఎన్ని చేసినా సహనంతో ఉంటున్నామని, తమ సహనాన్ని అసమర్థతగా చూడొద్దని హితవు చెప్పారు. ఎనిమిదేళ్లుగా రాష్ట్రానికి ముఖ్యమంత్రిగా ఉండి కేసీఆర్ చేసిందేమీ లేదని ఆగ్రహం వ్యక్తం చేశారు.  రాష్ట్రంలో మాఫియాలన్నీ కల్వకుంట్ల కుటుంబం చేతిలోనే ఉన్నాయని కేంద్ర మంత్రి ఆరోపించారు.  దోచుకోవడం.. దాచుకోవడం టీఆర్ఎస్ నేతలకు పరిపాటిగా మారిందని, కేసీఆర్ తీరు చూసి ఊసరవెల్లి కూడా సిగ్గుపడుతుందని కిషన్‌రెడ్డి ఆగ్రహం వ్యక్తం చేశారు.

‘‘మునుగోడు ప్రజలు మంచి తీర్పును ఇవ్వబోతున్నారు. తెలంగాణ ప్రజలు మార్పును కోరుకుంటున్నారు. అది మునుగోడు ఫలితంలో ప్రతిబింబించనుంది. హుజూరాబాద్ ఫలితమే మునుగోడులో రానుంది. కేసీఆర్.. సీఎం హోదాలో ఉంటూ మునుగోడులో ఒక గ్రామానికి ఇన్‌‌‌‌‌‌‌‌చార్జ్‌‌‌‌‌‌‌‌గా ఉండడం ఏమిటి? దేశంలో ఇలాంటిది ఎక్కడా లేదు” అని పేర్కొన్నారు.