2047 నాటికి ఇస్లామిక్ దేశంగా భారత్… పిఎఫ్ఐ లక్ష్యం

అందుకోసం ఆ సంస్థ ఓ ప్రణాళికను రచించి, అమలు చేస్తోందని ఆయన పేర్కొన్నారు. తన సభ్యులను రెచ్చగొట్టేందుకు ఈ సంస్థ పెద్దలు ఉపన్యాసాలు ఇచ్చేవారని,  విద్వేషపూరిత నేరాలకు పాల్పడాలని ప్రేరేపించేవారని తెలిపారు.

స్వీయ రక్షణ కోసం ఇళ్ళ పై కప్పులపై రాళ్ళు, ఇటుకలు, ఇతర పదునైన వస్తువులను పెట్టుకోవాలని చెప్పేవారని తెలిపారు.  తాము సాంఘికాభివృద్ధి కార్యకర్తలమని, ఫిజికల్ ఎడ్యుకేషన్ టీచర్లమని పీఎఫ్ఐ నాయకులు ఆ సంస్థ సభ్యులకు  చెప్పేవారని, వారిని రెచ్చగొట్టేవారని వివరించారు.

పీఎఫ్ఐ నేతలు, కార్యకర్తల సమాచారాన్ని రాబట్టేందుకు ప్రయత్నిస్తున్నామని చెబుతూ నిర్దిష్టంగా కొందరిని ఎంపిక చేసుకుని చంపడం వీరు నేరాలకు పాల్పడే విధానమని తెలిపారు. వీరి బ్యాంకు ఖాతాలను స్తంభింపజేస్తామని చెప్పారు.  పీఎఫ్ఐపై కేంద్ర ప్రభుత్వం నిషేధం విధించిందని, ఆ తర్వాత ఈ సంస్థ రద్దయిందని తెలిపారు.

ఈ సంస్థ సభ్యులు మళ్లీ మరొక సంస్థను ఏర్పాటు చేయరాదని ఆయన స్పష్టం చేశారు. చట్టబద్ధ వేదిక ద్వారా మినహా ఇతర విధాల్లో నిరసనలు తెలియజేయడానికి అవకాశం ఉండదని చెప్పారు.  పీఎఫ్ఐ కార్యకలాపాలపై చర్యలు తీసుకునేందుకు పోలీస్ కమిషనర్లకు, జిల్లా మేజిస్ట్రేట్లకు అధికారాలు కల్పిస్తూ మహారాష్ట్ర ప్రభుత్వం ఆదేశాలను జారీ చేసింది. కేరళ, తమిళనాడు,  కర్ణాటకలతో  సహా ఇతర రాష్ట్రాలు కూడా ఇటువంటి ఆదేశాలను జారీ చేశాయి.