గ్రామ గ్రామానికి వెళ్లండి… ప్రజలకు భరోసా కల్పించండి

 మొదటి దశ ‘ప్రజా గోస – బీజేపీ భరోసా’ కార్యక్రమంలో భాగంగా 13 అసెంబ్లీ నియోజకవర్గాల్లో బైక్ ర్యాలీలు ప్రారంభించి 605 గ్రామాల్లో పర్యటించారు. దాదాపు 2 వేల కి.మీల మేర బైక్ ర్యాలీలు నిర్వహించిన పార్టీ నాయకులు రైతులు, మహిళలు, కార్మికులు, కూలీలు సహా వివిధ వర్గాలకు సంబంధించి లక్షలాది మంది ప్రజలతో మమేకమయ్యారు.

 రెండో దశ కార్యక్రమాన్ని 14 అసెంబ్లీ నియోజకవర్గాల్లో ప్రారంభించాలని నిర్ణయించారు.  రెండో దశలో భాగంగా బైక్ ర్యాలీలు నిర్వహించే అసెంబ్లీ నియోజకవర్గాల్లో అన్ని గ్రామాల్లో తప్పనిసరిగా పర్యటించేలా కార్యాచరణ రూపొందించుకోవాలని సంజయ్ ఆదేశించారు.  ఈ బైక్ ర్యాలీల్లో సంబంధిత జిల్లా, పార్లమెంట్ నియోజకవర్గానికి చెందిన రాష్ట్ర, జిల్లా నేతలను, మాజీ మంత్రులు, మాజీ ఎమ్మెల్యేలు సహా సీనియర్లను తప్పనిసరిగా భాగస్వాములను చేయాలని సూచించారు.