ఎమ్మెల్సీ క‌విత పీఏ ఇంట్లో ఈడీ సోదాలు..!

ఈ కేసు దర్యాప్తులో భాగంగా ఈడీ మంగళవారం ఢిల్లీ సహా గురుగ్రామ్, లక్నో, హైదరాబాద్, ముంబై, బెంగళూరుల్లో 35 చోట్ల సోదాలు జరుపుతోంది. ఈ కేసులో నిందితుడు సమీర్ మహేంద్రుకు చెందిన ఢిల్లీ నివాసంలో కూడా సోదాలు జరుగుతున్నాయి.

హర్యానాలోని గురుగ్రామ్‌లోని బడ్డీ రిటైల్ ప్రైవేట్ లిమిటెడ్ డైరెక్టర్ అమిత్ అరోరా, ఢిల్లీలోని జోర్ బాగ్‌లోని వ్యాపారవేత్త సమీర్ మహంద్రు, హైదరాబాద్   కోకాపేటలోని ఓ వ్యాపార వేత్త ఇళ్లల్లో  ఈడీ సోదాలు జరుగుతున్నాయి.  ఢిల్లీ లిక్కర్ స్కాంతో సంబంధం ఉన్నట్లుగా అనుమానిస్తున్న అధికారులు, లిక్కర్ సిండికేట్ వ్యాపారుల ఇండ్లు, ఆఫీసుల్లో ఈ తనిఖీలు కొనసాగుతున్నట్లు తెలుస్తోంది.

అయితే, ఈ కేసులో నిందితుడుతైన ఢిల్లీ ఉప ముఖ్యమంత్రి మనీశ్ సిసోడియా నివాసం, కార్యాలయాలకు ఈడీ అధికారులు రాలేదని ఆమ్ ఆద్మీ పార్టీ  వర్గాలు మీడియాకు తెలిపాయి.  ఢిల్లీ ఎక్సయిజ్ పాలసీ 2021-22 రూపకల్పన, అమలులో అక్రమాలు జరిగినట్లు సీబీఐ కేసు నమోదు చేసిన సంగతి తెలిసిందే.

ఢిల్లీ మద్యం విధానంలో నిబంధనల ఉల్లంఘన జరగడంతో పాటు విధానపరమైన లోపాలున్నట్లు ఢిల్లీ ప్రధాన కార్యదర్శి నివేదిక ఇచ్చారు. టెండర్ల విధానంలో కొందరికి ఆయాచిత లబ్ధి చేకూరేలా నిర్ణయాలు తీసుకున్నట్లు నివేదికలో పేర్కొన్నారు. దీంతో ఈ ఉల్లంఘనలపై దర్యాప్తు చేపట్టాలని ఢిల్లీ లెఫ్టినెంట్ గవర్నర్ వికె సక్సేనా, కేంద్ర దర్యాప్తు సంస్థ(సిబిఐ)కు సిఫార్సు చేశారు.

దాంతో సిబిఐ కేసు నమోదు చేసుకుని రంగంలోకి దిగింది. ఈ కేసులో ఢిల్లీ ఉపముఖ్యమంత్రి మనీశ్ సిసోడియా సహా మొత్తం 15 మంది వ్యక్తులు, ఓ కంపెనీ పేర్లను ఎఫ్‌ఐఆర్‌లో చేర్చింది. సీబీఐ గత నెలలో మనీశ్ సిసోడియా నివాసంలో తనిఖీలు చేసింది. ఢిల్లీ ఎక్సయిజ్ శాఖ మాజీ కమిషనర్ అరవ గోపీ కృష్ణ కూడా ఈ కేసులో నిందితుడే. గత నెలలో ఏడు రాష్ట్రాలు, కేంద్ర పాలిత ప్రాంతాల్లో సుమారు 19 చోట్ల సీబీఐ సోదాలు చేసింది.