లో దుస్తులు తొలగించిన విద్యార్థునులకు మరోసారి నీట్ పరీక్షలు 

తనిఖీల సమయంలో లోదుస్తులకు ఉన్న హుక్స్ కారణంగా సౌండ్ వచ్చిందని, దీంతో దాన్ని తీసేసి తన కుమార్తెను పరీక్ష కేంద్రం లోకి వెళ్లాలని సిబ్బంది ఆదేశించారని ఓ విద్యార్థిని తండ్రి పోలీసులకు ఫిర్యాదు చేశారు. ఆ తరువాత పలువురు విద్యార్థినులు కూడా ఇదే తరహాలో ఫిర్యాదులు చేశారు. దీంతో ఈ ఘటన తీవ్ర వివాదానికి దారి తీసింది.

విద్యార్థినుల పట్ల అమర్యాదగా ప్రవర్తించిన కళాశాల సిబ్బందిపై చర్యలకు డిమాండ్ చేస్తూ విద్యార్థి సంఘాలు పెద్ద ఎత్తున ఆందోళనకు దిగాయి.