శ్రీలంకకు బాసటగా నిలబడదాం 

తీవ్ర సంక్షోభంతో కొట్టుమిట్టాడుతున్న శ్రీలంకకు ఇటువంటి క్లిష్ట తరుణంలో బాసటగా నిలబడాల్సిన అవసరం వుందని విదేశాంగ మంత్రి జై శంకర్‌ పేర్కొన్నారు. శనివారం జరిగిన శ్రీలంకపై పార్లమెంటరీ సంప్రదింపుల కమిటీ సమావేశంలో ఈ మేరకు ఏకాభిప్రాయం వ్యక్తమైందని ఆయన తెలిపారు.

ఆ సమావేశానికి మంత్రి అధ్యక్షత వహించారు. ” వివిధ అంశాలపై, భారత్‌ పాత్రపై సానుకూల వాతావరణంలో మంచి చర్చ జరిగింది.” అని జై శంకర్‌ వ్యాఖ్యానించారు. పొరుగు దేశంగా మనం భారత్‌కు ఆపన్న హస్తం అందించాల్సి వుందని తెలిపారు.

 ఈ సమావేశానికి శివసేన ఎంపి ప్రియాంక చతుర్వేది, డిఎంకె నేత తిరుచి శివలతో పలువురు ప్రతిపక్ష నేతలు హాజరయ్యారు. తీవ్ర ఆర్థిక సంక్షోభాన్ని ఎదుర్కొంటున్న శ్రీలంకలో నిత్యావసరాలకు తీవ్ర కొరత ఏర్పడింది. వంట గ్యాస్‌, పెట్రోల్‌ వంటివి దొరకడమే దుర్లభంగా మారింది. శ్రీలంకకు మొత్తంగా  5100కోట్ల డాలర్ల విదేశీ రుణాలు పేరుకుపోయాయి. ఈ ఏడాది జనవరి నుండి భారత్‌ సాయమందిస్తూనే వుంది.