అస్సాంలో అవినీతి రహిత ఉద్యోగ నియామకాలు

ఈ సందర్భంగా శర్మ మాట్లాడుతూ, 2011 నుంచి తాను అవినీతి రహిత, పారదర్శక నియామకాలను ప్రారంభించానని చెప్పారు. ఇప్పటి వరకు దాదాపు 2 లక్షల మందికి నియామక పత్రాలను అందజేశానని పేర్కొన్నారు.

అవినీతి లేకుండా, పారదర్శకంగా నియామకాలను చేపట్టడం వల్ల రాజకీయంగా నష్టం జరిగే అవకాశం ఉన్నప్పటికీ, పార్టీ కన్నా దేశానికే పెద్ద పీట వేయాలని తమకు బీజేపీ బోధించిందని తెలిపారు.  ఎన్నికల్లో తన గెలుపు కోసం పగలు, రాత్రి తేడా లేకుండా కృషి చేసినవారు తన నుంచి కొంత ఆశిస్తారని చెప్పారు.

అయితే, తాను వారికి ఏమీ ఇవ్వలేనని చెప్పారు. అవినీతి రహిత నియామకాల కోసం తాను, తన పార్టీ అనేక త్యాగాలు చేస్తున్నట్లు తెలిపారు. అయితే ఇలా చేయాలని తనపై ఎటువంటి ఒత్తిళ్ళు లేవని స్పష్టం చేశారు. అస్సాం భవిష్యత్తు కోసం, తాము రాజకీయంగా నష్టపోతున్నప్పటికీ, 2011లో పారదర్శక నియామకాల ప్రక్రియను ప్రారంభించామని వెల్లడించారు.