తన కాబోయే భర్త మోసగాడని తెలియడంతో ఏమాత్రం వెనుకంజ వేయకుండా అరెస్ట్ చేసి అస్సాంలోని ఓ మహిళా ఎస్ఐ సంచలనం సృష్టించింది. నేటి యువతకు ఆదర్శంగా నిలిచింది.
జున్మోనీ రభా నాగావ్‌లో పోలీసు సబ్ ఇన్ స్పెక్టర్ గా విధులు నిర్వర్తిస్తున్నారు. గత అక్టోబరులో రానా పోగాగ్ అనే వ్యక్తితో ఆమెకు నిశ్చితార్థం జరిగింది. ఈ ఏడాది నవంబర్‌లో ఆమె వివాహం జరగాల్సి ఉంది. ఇదిలా ఉంటే.. రానా పోగాగ్ తనను తాను ఓ పబ్లిక్ రిలేషన్స్ ఆఫీసర్ (పీఆర్వోగా) జున్మోనీ కుటుంబానికి పరిచయం చేసుకున్నాడు.
అయితే, అతగాడు ఓఎన్జీసీలో పనిచేస్తున్నానని పలువురిని నమ్మబలికి, ఉద్యోగాల పేరుతో కోట్లాది రూపాయలు వసూలు చేశాడు. అతనికి కాబోయే భార్య ఒక ఎస్సై అని, పైగా నిజాయితీకి మారుపేరని తెలియడంతో ముగ్గురు బాధితులు ఆమెను ఆశ్రయించారు. దీంతో వాళ్ల నుంచి ఫిర్యాదు తీసుకుని మరి రానా పోగాగ్ ను అరెస్ట్ చేసింది.
మధ్యవర్తి ద్వారా వచ్చిన ఆ సంబంధాన్ని పెద్దలే తీసుకురావడంతో తాను మంచోడనే అనుకున్నానంటూ ఆమె చెబుతోంది. ఇదిలా ఉంటే.. జున్మోనీకి ధైర్యశాలి అధికారిణి అనే పేరుంది. గతంలో ఎంతో సంక్షిష్టమైన కేసుల్ని సాహసోపేతంగా డీల్‌ చేశారామె. అందుకే వ్యక్తిగత జీవితానికి సంబంధించిన విషయంలోనూ ఆమె డేరింగ్‌ స్టెప్‌ తీసుకుందని పలువురు కొనియాడుతున్నారు.
పెద్ద మోసగాడి బారి నుంచి తన జీవితం బయట పడినందుకు చాలా సంతోషంగా ఉందని ఆమె తెలిపారు. అతిడి నిజ స్వరూపం గురించి సమాచారం ఇచ్చిన ముగ్గురు వ్యక్తులకు ఆమె కృతజ్ఞతలు తెలియజేశారు. రానా పోగాగ్ ఎంత పెద్ద మోసగాడో చెప్పి వాళ్లు తన కళ్లు తెరిపించారని ఆమె కొనియాడారు.
More Stories
వన్డేలు, టీ20లో అగ్రస్థానంలో టీమ్‌ఇండియా
సర్వేల పేరుతో ఓటర్ల వివరాలు సేకరిస్తే చర్యలు
సప్తపదితో ముడిపడినదే హిందూ వివాహం