తిరుమలలో హోటళ్లు బంద్‌

టీటీడీ ఆధ్వర్యంలో రూ.230 కోట్లతో తిరుపతిలో చిన్నపిల్లల సూపర్‌ స్పెషాలిటీ ఆస్పత్రి భవనాల నిర్మాణానికి ఆమోదం తెలిపారు.  తిరుచానూరు సమీపంలో శ్రీపద్మావతి నిలయం అతిథిగృహ సముదాయాన్ని బాలాజీ జిల్లా కలెక్టరేట్‌ కోసం నిర్మించి, రాష్ట్ర ప్రభుత్వానికి టీటీడీ నిబంధనల మేరకు లీజుకు ఇస్తారు.

తిరుమలలో అన్నప్రసాదాల తయారీకి నెడ్‌క్యాప్‌ తరపున సోలార్‌ సిస్టమ్‌ రెస్కో మోడల్‌ స్టీమ్‌ కేజీ రూ.2.54తో 25ఏళ్ల పాటు సరఫరాకు ఒప్పందంకు ఆమోదం తెలిపారు.  అలిపిరి వద్ద సైన్స్‌సిటీ నిర్మాణానికి మంజూరు చేసిన 70 ఎకరాల భూమిలో 50 ఎకరాలు వెనక్కి తీసుకుని ఆధ్యాత్మిక నగరం నిర్మాణం చేపట్టాలని నిర్ణయించారు.

త్వరలో భక్తులకు అందుబాటులోకి అన్నమయ్య మార్గం నిర్మించాలని,  రూ.360 కోట్లతో టీటీడీ ఆయుర్వేద ఫార్మసీకి పరికరాలు కొనుగోలు చేయాలని, రాష్ట్ర వ్యాప్తంగా ఆయుర్వేద మందులు అందుబాటులో ఉంచాలని తీర్మానాలు చేశారు.

అయితే  సామాన్య భక్తులకు కేటాయించే ఆర్జిత సేవా టికెట్ల ధరలు పెంచినట్లు జరిగిన ప్రచారం ఆవాస్తవమని సుబ్బారెడ్డి చెప్పారు.

కాగా, సిఫార్సు లేఖలపై జారీ చేసే ఆర్జిత సేవా టికెట్ల ధరల పెంపునకు టీటీడీ నిర్ణయం తీసుకున్నట్లు తెలిసింది.  సుప్రభాతం రూ.2వేలు, తోమాల, అర్చన రూ.5వేలు, కళ్యాణోత్సవం రూ.2,500, వేద ఆశ్వీరవచనం రూ.10వేల పెంపునకు ఆమోదం లభించిందని చెబుతున్నారు.

అయితే ఆర్జిత సేవా టికెట్ల ధరల పెంపుపై సభ్యుల నుంచి వ్యతిరేకత రావడంతో ఎస్వీబీసీ లైవ్ లింక్‌ను టీటీడీ కట్ చేశారు. పూర్తి వివరాలు వెల్లడించ లేదు. ఇలా ఉండగా, టీటీడీ పాలకులు వివాదాలు సృష్టించొద్దని ఎంపీ రఘురామకృష్ణరాజు సూచించారు.  పవిత్రమైన తిరుమల ఖ్యాతిని కాపాడాలని కోరారు. శ్రీవారి జోలికి వెళ్లొద్దని టీటీడీ చైర్మన్, ఈవోలకు విజ్ఞప్తి చేశారు.