ప్రపంచవ్యాప్తంగా వెలుగుచూస్తున కరోనా కేసుల్లో సింహభాగం ఒమిక్రాన్ వేరియంట్‌దే. ఈ వేరియంటే ప్రస్తుతం ప్రపంచ దేశాలను వణికిస్తోంది. అయితే ఇప్పుడు అనేక దేశాల్లో కేసులు దిగి వస్తున్నాయి.
ఇదిలావుండగా ఒమిక్రాన్ తగ్గిపోయాక మరో వేరియంట్ వస్తుందా? వస్తే దాని తీవ్రత ఎలా ఉండబోతోంది? అనే ప్రశ్నలు తలెత్తుతున్నాయి. దీనిపై ప్రపంచ ఆరోగ్య సంస్థ(డబ్ల్యూహెచ్‌ఒ) స్పందించింది. మరో వేరియంట్ కనుక పుట్టుకొస్తే దాని వ్యాప్తి ఒమిక్రాన్ కంటే తీవ్రంగా ఉండగలదని వెల్లడించింది.
కొత్త వేరియంట్ కనుక పుట్టుకొస్తే, ఇప్పుడు వ్యాప్తిలో ఉన్న వేరియంట్ల కంటే అధిక శక్తిసామర్థాలు కలిగి ఉండగలదని ప్రపంచ ఆరోగ్య సంస్థ సాంకేతిక విభాగాధిపతి మరియా వాన్ కెర్ఖోవ్ తెలిపారు. కొత్తగా పుట్టుకొచ్చే వాటికి రోగనిరోధక శక్తిని ఏమార్చే గుణం కూఆ అధికంగా ఉండొచ్చు, టీకాల ప్రభావం కూడా వాటిపై ఉండకపోవచ్చని అభిప్రాయపడ్డారు.
‘ప్రపంచం ఇలాంటి స్థితికి రాకూడదని కోరుకుంటున్నాం. అందుకే కొవిడ్ వ్యాప్తిని అరికట్టాలని కోరుతున్నాం. కట్టుదిట్టమైన నిబంధనలతో వైరస్ వ్యాప్తి స్వల్పంగానే ఉంటుందని ఆశిస్తున్నాం’ అని ఆమె పేర్కొన్నారు. కరోనా వైరస్ శ్వాసకోశ వ్యాధికారకం కాబట్టి సీజన్ వ్యాధిగా రూపాంతరం చెందే అవకాశాలు కూడా ఉన్నట్లు వాన్ కెర్ఖోశ్ వెల్లడించారు.
కరోనా ప్రభావం ఇప్పుడిపుడే వదలదు
మరోవంక, ప్రపంచవ్యాప్తంగా కరోనా వైరస్ కేసులు తగ్గుముఖం పడుతున్నప్పటికీ దాని ప్రభావం మాత్రం ఇప్పుడప్పుడే వదిలిపోయేది కాదని ప్రపంచ ఆరోగ్యసంస్థ చీఫ్ డాక్టర్ టెడ్రోస్ అధనోమ్ స్పష్టం చేశారు. మహమ్మారి ప్రభావం దశాబ్దాలపాటు ఉంటుందని తెలిపారు.
ముఖ్యంగా వైరస్ సోకే ముప్పు ఎక్కువగా ఉన్న సమూహాల్లో దీని ప్రభావం మరింత ఎక్కువగా ఉంటుందని పేర్కొన్నారు. వైరస్ సుదీర్ఘకాలం ప్రబలితే దాని ప్రభావం కూడా అదే స్థాయిలో ఉంటుందని చెప్పారు.
కామన్‌వెల్త్‌లోని జనాభాలో 42 శాతం మంది మాత్రమే టీకా రెండు డోసులు పొందగలిగినట్టు చెబుతూ ఆఫ్రి
మహమ్మారిని అదుపులోకి తీసుకురావడానికి, ప్రాణాలను రక్షించడానికి మాత్రమే కాకుండా జీవనోపాధిని కాపాడడానికి, స్థిరమైన రికవరీకి ఇది అత్యవసరమని టెడ్రోస్ స్పష్టం చేశారు.
More Stories
ఐరాసలో పాలస్తీనాకు అనుకూలంగా ఓటేసిన భారత్
రఫాపై ఇజ్రాయిల్‌ దాడులు మరింత ముమ్మరం
అమెరికాలో మరో తెలంగాణ విద్యార్థి అదృశ్యం