బూస్టర్ డోస్ కు అర్హులలో 42 శాతం మంది విముఖత 

అయితే, బూస్టర్/ముందు జాగ్రత్త మోతాదుకు డిమాండ్ తక్కువగా ఉంది. ఫిబ్రవరి 3 నాటికి 1.25 కోట్ల మంది మాత్రమే ముందస్తు జాగ్రత్త టీకా తీసుకున్నారు.  అర్హులైన జనాభా ఎందుకు ఈ టీకా   తీసుకోలేదో అర్థం చేసుకోవడానికి లోకల్‌సర్కిల్స్ సర్వే నిర్వహించాయి.

“మీరు లేదా మీ కుటుంబ సభ్యులు ఇంకా కరోనా వ్యాక్సిన్  ముందు జాగ్రత్త/బూస్టర్ డోస్ ఎందుకు తీసుకోలేదు?” అని  అడిగితే, అర్హత ఉన్నవారిలో 58 శాతం మంది రాబోయే నెలల్లో దీనిని తీసుకునే అవకాశం ఉందని ఫలితాలు చూపించగా, 42 శాతం మంది ప్రస్తుతం ఖచ్చితంగా తెలియదనో  లేదా సంకోచిస్తున్నారు. ఈ 42 శాతం మందిలో 14 శాతం మంది ముందు జాగ్రత్త మోతాదు తీసుకునే అవకాశం లేదని చెప్పారు.

58 శాతం మందిలో, 29 శాతం మంది అర్హులైన వ్యక్తులు మూడవ వేవ్ సమయంలో తమకు కరోనా సోకిందని, అందుకే వేచి ఉండి తర్వాత తీసుకోవాలని అనుకొంటున్నట్లు చెప్పారు. కేసుల సంఖ్య తగ్గుతున్నందున మిగతా 29 శాతం మంది బూస్టర్ డోస్ తీసుకునే అవకాశం ఉందని భావిస్తున్నారు.

“హర్ ఘర్ దస్తక్” కార్యక్రమంలో అర్హులైన పిల్లలకు టీకా,  ముందు జాగ్రత్త మోతాదులను ప్రభుత్వం చేర్చాలని పౌరులు కోరుకుంటున్నారో లేదో కూడా సర్వే అర్థం చేసుకోవడానికి ప్రయత్నించింది. ప్రతిస్పందనగా,  14 శాతం మంది మాత్రమే “లేదు” అని చెప్పారు, 81 శాతం మంది “అవును” అని చెప్పారు  5 శాతం మంది ఎటువంటి అభిప్రాయం వ్యక్తం చేయలేదు.

కేంద్ర ఆరోగ్య మంత్రిత్వ శాఖ నుండి వచ్చిన సమాచారం ప్రకారం, ప్రచారం ప్రారంభించిన మొదటి నెలలోనే మొదటి డోస్ కవరేజీలో 5.9 శాతం,  రెండవ డోస్ కవరేజీలో 11.7 శాతం పెరుగుదలతో ‘హర్ ఘర్ దస్తక్’ మొదటి ప్రచారంలో విజయవంతమైంది. అంతేకాకుండా, వ్యాక్సినేషన్ కేంద్రాలలో గ్రహీతలకు వైరస్ సోకే ప్రమాదాన్ని కూడా తగ్గించింది.

సర్వేకు పౌరుల నుండి 22,000 పైగా స్పందనలు వచ్చాయి. 62 శాతం మంది పురుషులు కాగా, 38 శాతం మంది మహిళలు ఉన్నారు.  42 శాతం మంది టైర్-1 నగరాల నుండి, 30 శాతం మంది టైర్-2 నుండి,  28 శాతం మంది  టైర్-3, 4 నగరాలు,  గ్రామీణ జిల్లాలకు చెందినవారు.