ఫుకాన్‌, మౌజోలకు జ్ఞానపీఠ పురస్కారం

 మౌజో రెండు నవలలు, చిన్న కథా సంకలనాలు, పుస్తకాలు రచించారు. 1983లో కార్మెలిన్‌ నవలకు సాహిత్య అకాడమీ అవార్డు లభించింది. ఇది పన్నెండు భాషల్లోకి అనువదించబడింది. మౌజో కథలు చాలా సూటిగా, స్పష్టంగా ఉంటాయి. ఇందులో చాలా వరకు మహిళలే కేంద్రంగా ఉంటాయి. 

మానవ సంబంధాలు, సామాజిక మార్పు, మతం, వర్గం, మానవత్వంలోని అనేక కోణాలపై ఆయన రచనలు చేశారు. ఇవి చాలా వరకు కొంకణీ భాషలోనే ఉన్నా, ఆయన ఆలోచనలు భారత దేశ వ్యాప్తంగా ప్రశంసలు అందుకున్నాయి.  అతని అనేక కథలు అనేక జాతీయ సంకలనాలు, పత్రికల్లో ప్రచురించబడ్డాయి.

అతని కొన్ని కథలు ఇంగ్లీషుతో పాటు పోర్చుగీస్‌ మరియు ఫ్రెంచ్‌ భాషల్లోకి అనువదించారు.  దామోదర్‌ మౌజో అనేక అవార్డులను గెలుచుకున్నారు. అతను క్రియేటివ్‌ ఫిక్షన్‌ 1998 కథా అవార్డు, 1997 గోవా స్టేట్‌ ఫిల్మ్‌ ఫెస్టివల్‌లో ఉత్తమ సంభాషణ అవార్డు, గోవా కళా అకాడమీ అవార్డు, కొంకిణి భాషా మండల అవార్డును గెలుచుకున్నాడు.

మౌజో 2011-2012కి భారత ప్రభుత్వ సాంస్కఅతిక మంత్రిత్వ శాఖ నుంచి సీనియర్‌ ఫెలోషిప్‌ కూడా పొందారు. కల్‌బుర్గీ హత్యానంతరం.. దేశంలో భావప్రకటనా స్వేచ్ఛకు భంగం కలిగించటాన్ని ఆయన వ్యతిరేకించారు.

జ్ఞానపీఠ్‌ అవార్డు పొందిన అస్సామీ కవి నీలమణి ఫుకాన్‌ 1933లో అసోంలోని దర్గావ్‌లో జన్మించారు. అతను 1981లో అస్సామీ సాహిత్య అకాడమీ అవార్డు, 1990లో అస్సామీ భాషలో తన సాహిత్య కృషికి పద్మశ్రీ అవార్డు అందుకున్నారు. ఆయన రచనలు భారత దేశం సహా ప్రపంచలోని పలు దేశాల భాషల్లోకి అనువాదమయ్యాయి.