భారత్ లో ఒలింపిక్ క్రీడలకై చూస్తున్న రాజ్‌నాథ్ సింగ్ !

ఇక్కడ ఒక స్టేడియం పేరును ‘నీరజ్ చోప్రా స్టేడియం, ఆర్మీ స్పోర్ట్స్ ఇనిస్టిట్యూట్, పూణే కంటోన్మెంట్’ అని రక్షణ మంత్రి సమక్షంలో పేరు మార్చారు. 

“ఈ పోడియం నుండి, మీరు కేవలం క్రీడా చిహ్నాలు మాత్రమే కాదు, దేశంలోని యువత నాయకులు కూడా అని వేదికపై కూర్చున్న క్రీడాకారులందరికీ నేను చెప్పాలనుకుంటున్నాను. అనుచరులను సరైన మార్గంలో నడిపించడం నాయకుడి బాధ్యత. ఈ రోజు, రాబోయే రోజుల్లో భారతదేశాన్ని క్రీడా శక్తిగా మార్చడానికి మనమందరం సంకల్పించాలి. ఈ క్రీడాకారులను చూస్తుంటే, మా సంకల్పం ఏదో ఒకరోజు సాకారమవుతుందని నాకు నమ్మకం ఉంది” అంటూ భరోసా వ్యక్తం చేశారు.

“మన ప్రధానమంత్రి క్రీడలపై ఊహించని ఆసక్తిని కనబరుస్తున్నారు. నేను చాలా కాలంగా భారత రాజకీయాల్లో ఉన్నాను, కానీ క్రీడల అభివృద్ధిలో ప్రధాన మంత్రి నరేంద్ర మోదీ పోషించిన పాత్ర అసమానమైనది, ఊహకు అందనిది అని నేను చెప్పగలను” అని కొనియాడారు.  

ఆర్చరీ, అథ్లెటిక్స్, బాక్సింగ్, డైవింగ్, రెజ్లింగ్, ఫెన్సింగ్, వెయిట్ లిఫ్టింగ్ అనే ఏడు రంగాలలో ఈ సంస్థ శిక్షణ ఇస్తుంది. ఒలింపిక్స్‌తో సహా అంతర్జాతీయ ఈవెంట్‌లలో పతకాలు సాధించాలనే ఉద్దేశ్యంతో క్రీడల స్థాయిని పెంచే లక్ష్యంతో 2001 లో భారత సైన్యం ‘మిషన్ ఒలింపిక్స్’ కార్యక్రమం ప్రారంభించారు. ఎఎస్ఐ ఇప్పటి వరకు 34 ఒలింపియన్లు, 22 కామన్వెల్త్ గేమ్స్ పతక విజేతలు, 21 ఆసియా గేమ్స్ పతక విజేతలు, ఆరుగురు యూత్ గేమ్స్ పతక విజేతలు, 13 మంది అర్జున అవార్డు గ్రహీతలను తయారు చేశారని సింగ్ అభినందించారు.

రామాయణం, మహాభారత యుగాలలో, యుద్ధ కళ  విద్యలో భాగంగా వివిధ క్రీడలు బోధించారని  రాజ్‌నాథ్ సింగ్ చెప్పారు. సింధు లోయ నాగరికతలో ఫెన్సింగ్, జావెలిన్ త్రో, ఆర్చరీ, వెయిట్ లిఫ్టింగ్, చదరంగం వంటి క్రీడలు ఉన్నాయి.  నలంద, తక్షశీల విశ్వవిద్యాలయాలలో విస్తృతమైన క్రీడా శిక్షణా కార్యక్రమాలు ఉన్నాయి, ఇక్కడ విదేశాల నుండి ప్రజలు వచ్చి శిక్షణ తీసుకునేవారని వివరించారు.